web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Veliajt/ Komisioni i Ligjeve i bashkisë mblidhet ditën e nesërme

22 Shtator 2025, 10:14, Politikë CNA

Shkarkimi i Veliajt/ Komisioni i Ligjeve i bashkisë mblidhet ditën e

Komisioni i Ligjeve i Bashkisë së Tiranës, i parashikuar të mblidhej ditën e sotme, do të mblidhet nesër në orën 10:00.

Mbledhja do të zhvillohet për të futur në rend dite në mbledhjen e Këshillit Bashkiak, shkarkimin e Erion Veliajt.

Këshilli Bashkiak i Bashkisë së Tiranës do të mblidhet pasditen e nesërme në orën 16:00, ku pritet të propozohet shkarkimi i Erion Veliajt.

Shkarkim që më pas do të vendoset nga Këshilli i Ministrave.

Kërkesa e Këshillit Bashkiak për shkarkimin e kryetarit të bashkisë, do të bazohet në mungesën mbi tremujore të Veliajt në ushtrimin e detyrës. E parashikuar kjo  në nenin 62, pika c, të ligjit për qeverisjen vendore.

Shkarkimi i Veliajt/ Komisioni i Ligjeve i bashkisë mblidhet ditën e
Ligji për qeverisjen vendore, neni 62

Erion Veliaj ndodhet në burgun e Durrësit, i arrestuar që prej 10 shkurtit të vitit 2025, me 13 akuza për disa vepra të rënda penale.

SPAK ka përfunduar hetimet dhe ka dërguar në gjykatë çështjen "Veliaj".

Kryeministri Edi Rama në asamblenë e 11 shtatorit urdhëroi këshillin bashkiak të shkarkonte Veliajn dhe propozoi Ogerta Manastirliun si kandidate të socialistëve për bashkinë e kryeqytetit./CNA





Lajmet e fundit nga