web counter
LEXO PA REKLAMA!

SHKARKO APP

App Store
Google Play

E fundit!

x

Berisha akuzon ministrin Petrit Malaj: Mashtroi në deklarimin e pasurisë, kërcënim madhor për financat e shqiptarëve

22 Shtator 2025, 12:57, Politikë CNA

Berisha akuzon ministrin Petrit Malaj: Mashtroi në deklarimin e

Kreu i Partisë Demokratike, Sali Berisha, akuzoi sot ministrin e Financave, Petrit Malaj, se ka mashtruar publikisht në deklarimin e pasurisë së tij.

Në një konferencë me gazetarët nga selia e PD-së, Berisha tha se emërimi i Malajt në krye të kësaj minsitrie përbën kërcënim madhor për financat e Shqipërisë dhe shqiptarëve.

"Po të shihni të ardhurat e deklaruara të këtij klani, janë qesharake. Pra, po lexoja dje se kandidatëve për akademinë e rendit, u kërkohej një vërtetim nga SKAP-i i partisë, ata e dinë se pse, për të parë integritetin e tyre.

Kur një ministër Financash mashtron për të paktën 7 vite, nuk deklaron rrogën e tj si drejtor ekzekutiv, por paraqitet si profesionist i lirë. Kur lidhjet e tij me famëziun Gjoleka dhe bandat përreth tij, janë shumë komprometuese.

Mendoj se Petrit Malaj është me mashtrimin që ka bërë, në deklarimin e pasurive, me konfliktin e plotë të interesit, atë post e ka marrë në mënyrën më obskure.

Dhe përbën nivelin më kërcënues për financat shqiptare, po të kemi parasysh se në mënyra të përsëritura, ministra socialistë, kanë refuzuar firmat e urdhrave të paligjshëm të Edi Ramës, dhe jo njëherë, dhe kanë zbatuar ligjin.

Emërimi i këtij skllavi në atë detyrë përbën kërcënim madhor për financat e Shqipërisë dhe shqiptarëve”,-tha Berisha./CNA





Lajmet e fundit nga