web counter
LEXO PA REKLAMA!

SHKARKO APP

App Store
Google Play

E fundit!

x

Debate në Konferencën e Kryetarëve/ Gjekmarkaj, akuza mazhorancës: Po asgjësoni opozitën

22 Shtator 2025, 12:04, Politikë CNA

Debate në Konferencën e Kryetarëve/ Gjekmarkaj, akuza

Konferenca e Kryetarëve, e mbledhur paraditen e sotme, është shoqëruar me debate të forta dhe akuza nga ana e opozitës drejt mazhorancës.

Partia Demokratike u përfaqësua në mbledhje nga Agron Gjekmarkaj, pas përjashtimit të kryetarit të grupit parlamentar, Gazment Bardhi.

Mësohet se Gjekmarkaj ka lëshuar akuza ndaj mazhorancës duke thënë se po tentojnë të asgjësojnë opozitën dhe po shfaqen si atentatorë.

Gjithashtu nënkryetari i Kuvendit u ka thënë socialistëve se përjashtuan opozitën nga procesi i integrimit që në seancën e parë plenare.

Nënkryetari i Kuvendit ka thënë se te socialistët ekzistojnë vetëm dy liri, ajo për t’u servilosur dhe ajo për të shërbyer.

“Jeni në revansh. Sot këtu mungon kryetari i grupit të PD-së. Në vend që të krijoni kushte me urdhra politikë, po tentoni të asgjësoni opozitën dhe Parlamentin. Ju kryetar u shfaqët si atentator. Po minimizoni çdo hapësirë të opozitës. Ju përjashtuat opozitën nga procesi i integrimit dhe këtë e bëtë që në seancë të parë. Në seancën e dytë, ku nuk donit të shfaqnit qeverinë, provokuat opozitën. Ju kryetar e keni zhdukur parlamentarizmin. Opozita kërkon ripërsëritjen e seancës dhe ju duhet të mblidhni menjëherë këshillin e legjislacionit për mocionin e shkarkimit tuaj. Parlamentarizmi kërkon vetëdije dhe seriozitet. Ju nesër mund të sillni qenin Rex dhe ta paraqitni si ministër të Brendshëm që të lehë për 10 minuta.

Te mazhoranca socialiste ekzistojnë sot vetëm 2 liri: liria për t’u servilosur dhe liria për të shërbyer. Këshillë miqësore: merrni masa se do të ketë pasoja”, mësohet të ketë thënë Gjekmarkaj.





Lajmet e fundit nga