web counter
LEXO PA REKLAMA!

SHKARKO APP

App Store
Google Play

E fundit!

x

Opozita palë me Veliajn/ Teliti kërkon të dëgjohet kryebashkiaku

22 Shtator 2025, 17:41, Politikë CNA

Opozita palë me Veliajn/ Teliti kërkon të dëgjohet

Nënkryetari i Këshillit Bashkiak të Tiranës, Dorjan Teliti kërkon mbledhje urgjente të këshillit, sot.

Sipas argumentit që jep Teliti, procedura e shkarkimit të Erion Veliajt duhet të zhvillohet në përputhje me ligjin duke nisur nga dëgjesa e tij.

Teliti shprehet se çdo shkelje do jetë një faturë dëmshpërblimi prej qindra mijëra eurosh.

 

"Kryesia e Këshillit Bashkiak duhet të mblidhet URGJENTISHT SOT për të garantuar që procedura e shkarkimit të Erion Veliajt të zhvillohet në përputhje me ligjin (duke filluar nga e dëgjesa e tij në mbledhjen e Këshillit).

 Çdo shkelje/devijim nga rregullat ligjore do të rëndojë nesër mbi qytetarët e Tiranës me faturë dëmshpërblimi prej qindra mijëra eurosh si pasojë e shkeljeve proceduriale.

Shkarkimi i Veliaj duhet të ndodhë sa më shpejt, por gjithmonë duke respektuar procedurën ligjore", shkruan Teliti.

 

Ditët e fundit opozita ka mbajtur një qëndrim përkrahës pas kërkesës së Erion Veliajt për t’u dëgjuar para shkarkimit, që pritet të bëhet të martën pasdite në mbledhjen e Këshillit Bashkiak.

Këtë qëndrim përkrahës e ka mbajtur dhe kryedemokrati Sali Berisha në disa nga daljet e tij publike./CNA

 

 

 

 





Lajmet e fundit nga