web counter
LEXO PA REKLAMA!

SHKARKO APP

App Store
Google Play

"Veliaj është kundërshtari ndaj të cilit bëmë 44 beteja"/ Teliti: Vendimet i merr Rama dhe apendiksët e tij

22 Shtator 2025, 18:14, Politikë CNA

"Veliaj është kundërshtari ndaj të cilit bëmë

Nënkryetari i Këshillit Bashkiak, Dorian Teliti i ftuar në emisionin "Task Force" të gazetares Sonila Meço ka ripërsëritur kërkesën që sot të mblidhet me urgjencë kryesia e Këshillit Bashkiak të Tiranës. Teliti tha se këtë po e pengon Edi Rama, pasi dhe kërkesën e paraqitur nga këshilltarët e opozitës në maj nuk e mori parasysh.

Teliti tha se Veliaj duhet shkarkuar, por me procedurë.

Dorian Teliti tha se vendimet në Bashkinë e Tiranës i merr Rama dhe apendiksi i emëruar prej tij.

 

"Tirana është më e papastër, pa shërbime dhe paguan 1.1 milion euro për inceneratorin që nuk ekziston.

Vendimet aty i merr Rama, Balluku dhe apendiksi i keq i qeverisë që janë 4 nënkryetarët.

Ne si këshilltarë dërguam kërkesën për shkarkimin e Erion Velijat që në muajin maj, por Edi Rama nuk e mori parasysh dhe kërkesën e bërë tani nuk e konsultoi me ne.

Erion Veliaj duhet të shkarkohet nesër.

Sot kërkuam që të mblidhet kryesia e Këshillit Bashkiak që Erion Veliaj të shkarkohet me procedurë, që ne t’ia themi të vërtetat në sy.

Këtë po e pengon Edi Rama sepse ka frikë se flet.

Veliaj është kundërshtari ynë politik ndaj të cilit kemi bërë 44 beteja, por duhet shkarkuar me procedurë që të mos marrë dëmshpërblime siç edhe ka ndodhur.

Në detyrë nuk mund të rikthehet më sepse është armik i Edi Ramës",

Nesër në orën 10:00 do të mblidhet Komisioni i Ligjeve ku do të diskutohet paraprakisht shkarkimi i Erion Veliajt dhe në 16:00 mbledhja e Këshillit Bashkiak, tha Teliti./CNA

 

 

 

 

 





Lajmet e fundit nga