web counter
LEXO PA REKLAMA!

SHKARKO APP

App Store
Google Play

“Do votojmë pro shkarkimit të Veliajt”/ Qori: Të bëhet bashkëpunëtor i SPAK-ut, të rrëfejë me cilët ka vjedhur

22 Shtator 2025, 22:09, Politikë CNA

“Do votojmë pro shkarkimit të Veliajt”/ Qori: Të

Kreu i Lëvizjes Bashkë, Arlind Qori ka deklaruar se, do të votojnë pro shkarkimit të Veliajt në mbledhjen e Këshillit Bashkiak.

I ftuar në MCN TV, Qori u shpreh se Veliaj duhet të bëhet bashkëpunëtor i drejtësisë dhe të tregojë me cilët ka vjedhur.

Sipas Qorit, Rama është përgjegjës politik për Veliajn dhe fundi i Veliajt, duhet të shoqërohet me kërkesën për dorëheqjen e Edi Ramës.

"Shkarkimi i Veliajt është i domosdoshëm dhe i vonuar. Duhej shkarkuar ditën e parë që e thirri SPAK. Këshilltarja jonë, Mirela Ruko, e ka kërkuar që atëherë dhe padiskutim do të votojë pro shkarkimit. Por ai duhet shkarkuar sepse është kapur me presh në duar, jo vetëm sepse mungon në detyrë. Po qe puna për mungesën në punë, ai thotë më kanë lidhur duart këtu në burg dhe nuk shkoj dot.

Rama është përgjegjës politik për Veliajn dhe fundi i Veliajt, duhet të shoqërohet me kërkesën për dorëheqjen e Edi Ramës. Veliaj është kryetari i Bashkisë së Tiranës, që ka përzierja të lloj lloj interesave.

Ajo që do të kërkoja nga të gjithë këshilltarët e opozitës, është të kërkojnë me ngulm të bëhet debat. Mirela Ruko do të kërkojë të bëhet debat, të mos mbyllet si Kuvendi i Shqipërisë, të mos dalë një hu gardhi aty që ta hedhë në votim dhe askush të mos kërkojë llogari. E para ti kërkojë llogari Edi Ramës dhe këshilltarëve të PS. Ata nuk kanë ngritur zërin në asnjë rast, kur Veliaj merrte vendime në kundërshtim me ligjin.

Po u bë zamallahi, ata mbyllin për disa minuta gjithçka. Duhet debat dhe gjithkujt ti jepet e drejta të flasë. Të kërkohet përgjegjësi ligjore dhe politike.

Veliaj ka në dorë të bëjë një punë të mirë në jetën e vet. Nuk ka rëndësi është apo jo në Këshillin Bashkiak, por ka rëndësi çfarë ai do të thotë para Prokurorëve. Ai duhet të bëhet bashkëpunëtor i drejtësisë dhe të tregojë me cilët ka vjedhur. Nuk ka vjedhur vetëm dhe vetëm për vete, por edhe për Ramën, për PS dhe për të gjithë këtë makineri politike që grabit gjithçka. A do ta bëjë këtë? Shpresoj, por nuk e di.

A ka një prokuror sot në Shqipëri që është gati ta marrë këtë çështje, t'i thotë Veliajt nëse bëhesh bashkëpunëtor i drejtësisë ke mbrojtjen tonë? Edhe për interesin e vet të shndërrohet në bashkëpunëtor, a ka SPAK ndonjë prokuror që është i gatshëm ta çojë deri në fund? Kjo ka shumë rëndësi", deklaroi Qori./ CNA





Lajmet e fundit nga