web counter
LEXO PA REKLAMA!

SHKARKO APP

App Store
Google Play

E fundit!

x

Rama: Ministrja Diella do t'u ofrojë qytetarëve disa shërbime që ne nuk i bëjmë dot

23 Shtator 2025, 13:46, Politikë CNA

Rama: Ministrja Diella do t'u ofrojë qytetarëve disa

Kryeministri Edi Rama komentoi sot lidhur me Diellën, ministren e Prokurimeve Publike të krijuar nga Inteligjenca Artificiale.

Në fjalën e tij gjatë pjesëmarrjes në konferencën “Shqipëria, horizonti i ri” në Vjenë, Rama tha se Diella do t’u ofrojë disa shërbime qytetarëve, si pjesë e një synimi për ofrimin e 90% të shërbimeve përmes internetit.

“Kemi hequr shërbimet fizike, pritet që 90% e shërbimeve ofrohen përmes internetit dhe të gjithë mund ta marrin shërbimin përmes telefonit celular, nëse janë në Tiranë apo Australi. Është një ndryshim i madh duke pasur parasysh rastet. Sa shumë ryshfete dhe korrupsion kishte në sistem, ndërkohë që sot është i fshirë nga sistemi. Ana e mirë e Inteligjencës Artificiale është mundësia për të punuar mbi të dhënat që u ofrojmë qytetarëve. Praktikisht ministrja, që mund të jetë në vende të ndryshme në të njëjtën kohë, pasi ne s'e bëjmë dot. Ajo do t'u shërbejë për shumë gjëra. Sot, p.sh. njerëzve u duhet të bëjnë disa hapa vetë për të marrë shërbimin. Duhet të shkojnë nga një rubrikë te tjetra, ndërkohë që shumë shpejt ata do të veprojnë në kohë reale me ministren, me zë, kam nevojë për këtë certifikatë. Dhe ajo do t'ua japë. Vetëm ata do të kërkojnë. Klienti është shefi, dhe ministrja është ajo që do t’i bëjë”, tha Rama./CNA





Lajmet e fundit nga