web counter
LEXO PA REKLAMA!

SHKARKO APP

App Store
Google Play

Dialogu Kosovë-Serbi/ Rama: Dështim i madh, për shkak të formatit të gabuar

23 Shtator 2025, 14:13, Politikë CNA

Dialogu Kosovë-Serbi/ Rama: Dështim i madh, për shkak të

Kryeministri Edi Rama, i pranishëm në konferencën “Shqipëria, horizonti i ri”, është ndalur edhe te dialogu Kosovë-Serbi.

Rama tha se është trishtues fakti që nuk ka asnjë përparim në këtë drejtim. Më tej, kryeministri deklaroi se Kosova duhet të bëjë pjesën dhe detyrat e saj dhe të mos përqendrohet te Serbia.

Kjo, tha Rama, jo për të pranuar atë që kërkon Serbia, por për të përmbushur detyrat e vendosura nga BE për anëtarësimin e Kosovës drejt Unionit.

Rama deklaroi se ky dialog është një dështim i madh për shkak të formatit të gabuar që përdoret.

“Më trishton të shoh që nuk ka aspak përparim në këtë drejtim. Unë kam qenë dhe vazhdoj të mbetem i bindur, ka një rrugë shumë të qartë, Kosova nuk duhet të mendojë e të shohë Serbinë, por duhet të bëjë pjesën dhe detyrat e veta. Duhet t’i japë BE-së të gjitha atë fletoren me detyrat e bëra të shtëpisë dhe të kërkojë të ecë përpara.

Kjo nuk ka të bëjë me përmbushjen apo pranimin e asaj që kërkon Serbia, ka të bëjë me pranimin e asaj që kërkon BE. Ky dialog i ndërmjetësuar nga BE që është një dështim i madh nga formati i gabuar, vendi duhet të përmbushin kushtet që lidhen me vlerat, parimet dhe mënyrën e jetesës së BE. Nëse Kosova e bën këtë, është në interesin e saj më të mirë për të mos lidhur veten me Serbinë. Në të kundërt, do të vazhdojë ta izolojë veten gjithmonë e më shumë”, tha Rama./CNA





Lajmet e fundit nga