E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

"Votoj pro me të dyja duart"/ Teliti: Propozimi duhet të pasurohet me 1.1 milionë eurot e inceneratorit që nuk ekziston

23 Shtator 2025, 16:52, Politikë CNA

"Votoj pro me të dyja duart"/ Teliti: Propozimi duhet të

Anëtari demokrat i Këshillit Bashkiak të Tiranës, Dorian Teliti në mbledhjen e Këshillit ku rendi i ditës është votimi i propozimit të socialistëve për shkarkimin e Erion Veliajt tha se do të votojë pro me të dyja duart.

Teliti tha se mungesa 90-ditore e Erion Veliajt duhet të pasurohet me shkeljet që janë bërë dhe ndotjen e ajrit, me kasaphanën në periferi, me braktisjen që i është bërë fshatit. Rendi i ditës është ky, Veliaj patjetër duhet shkarkuar së mungoi 90 ditë por duhet shkarkuar se e ka kthyer Tiranën në lavatriçe të pastrimit të parave.

"I bashkuam votat ju me ne dhe jo ne me ju, sot do të votoj me të dyja duart, vota ime është pro.

Do të doja që ky këshill të ngrihej në lartësinë e duhur, ky këshill ta pasuronte vendimin me shkeljet në planin urbanistik që është kthtyer në letër bakalli, me abuzimin financiar, me 1.1 milionë eurot e inceneratorit të Tiranës që nuk e ekziston, me shkeljet në rrjetin e Ujësjellësit, me rritjen e çmimit të ujit, me rritjen e taksave, me shkeljet dhe mungesën e transparencës, me tenderat pa garë, me shkeljet me parqet tona, kafshohen parqet dhe trotuarët për të ndërtuar kulla.

Do doja ta pasuroja me arsyet reale jo vetëm me mungesën 3 muaj, do ta pasuroj me shkeljet që janë bërë dhe ndotjen e ajrit, me kasaphanën në periferi, me braktisjen që i është bërë fshatit. Rendi i ditës është ky, Veliaj patjetër duhet shkarkuar së mungoi 90 ditë por duhet shkarkuar se e ka kthyer Tiranën në lavatriçe të pastrimit të parave.

Do doja që i pandehuri Erion Veliaj të ishtë këtu, sepsë është qytetar, do të doja t’ia kisha thënë këto në sy të vërtetat kriminale dhe therëse që i ka shkaktuar qytetit duke na renditur në vend të fundit në kryeqytetet e BE-së. Uroj të hapet një kapitull i ri pune dhe transparenc", tha Teliti./CNA