E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Reflektoni dhe kthehuni në legjitimitet"/ Alimehmeti-këshilltarëve të majtë: E bëtë propozimin vetëm pasi foli Rama

23 Shtator 2025, 17:07, Politikë CNA

"Reflektoni dhe kthehuni në legjitimitet"/

Anëtari i Këshillit Bashkiak të Tiranës, Ilir Alimehmeti në fjalën e tij në seancën për shkarkimin e kryebashkiakut të arrestuar, Erion Veliaj tha se sot po mbyllet kapitulli i Erion Veliajt.

Alimehmeti në fjalën drejtuar këshilltarëve socialistë tha se ishin ata që i kanë miratuar gjithçka Erion Veliajt dhe i ftoi ata për reflektim.

Alimehmeti u kujtoi atyre se propozimin e bënë vetëm pas fjalës së Ramës në Asamblenë e PS-së në shkelje me autonominë vendore pasi kërkesën e këshilltarëve demokratë nuk e pranuan.

"Është e vërtetë që disa prej jush mezi po presin që mbledhja të mbyllet ne mezi po presim të fillojë.

Unë do flas për një kapitull të hapur që jeni ju sepse të Veliajt e mbyllur.

Ju ia miratonit gjithçka. Ju nuk miratuat kërkesën tonë në maj. Mbledhja e Këshillit Bashkaik bëhet në këtë sallë, por ishit ju që protestuat para SPAK-ut dhe kundërshtuat shkresat tona. Ju e bëtë këtë vetëm pasi u shpreh kryeministri në shkelje të plotë të autonomisë vendore. Veliaj është aty ku është për shkak të shkeljeve, a e keni ngritur ju auditimin e brendshëm për buxhetin?

Ju ftoj të reflektoni dhe të ktheheni në legjitimitet" tha Alimehmeti në fjalën e tij në mbledhjen e Këshillit Bashkiak.

Në fjalën e tij në përfundim të mbledhjes Alimehmeti përsëriti akuzat për këshilltarët socialistë. Këshilltari i PD-së në Këshillin Bashkiak të Tiranës tha se ata e mbrojtën deri në grahmat e fundit Veliajn dhe se ai nuk ka vepruar i vetëm.

"Erion Veliaj u mbrojt deri në grahmën e fundit nga ky Këshill Bashkiak, por nuk i mohojmë të drejtën e fjalës. Veliaj nuk i ka bërë i vetëm këto punë, por së bashku me qeverinë dhe Këshillin Bashkiak.

Nuk është i vetëm, sepse ky këshill nuk ngriti kontrollin financiar, do denoncojmë çdo shkelje.

Protestat u anatemuan, e drejta qëndron aty ku është e vërteta", tha Alimehmeti./CNA