web counter
LEXO PA REKLAMA!

SHKARKO APP

App Store
Google Play

E fundit!

x

“E nisi me propagandë, e mbylli si propagandë”/ Gazetari: Sot për Veliajn veproi e drejta e Zotit

23 Shtator 2025, 19:47, Politikë CNA

“E nisi me propagandë, e mbylli si propagandë”/ Gazetari:

Gazetari Bledian Koka ka reaguar pas shkarkimit të Erion Veliajt sot në Këshillin Bashkiak i cili votoi unanimisht për largimin e tij nga detyra.

Koka thekson se ashtu siç e nisi me propagandë e mbylli rrugëtimin e tij politik me propagandë.

Në postimin e tij, Koka ka publikuar një foto të Veliajt me një fëmijë në dorë në kohën kur ai ishte Ministër i Mirëqënies Sociale.

Gazetari tha se që atë ditë ka nisur ta neverisë si politikan pasi e kuptoi që për të arritur qëllimet e tij nuk kursente askënd madje as fëmijën në foto.

“E nisi me propagandë, e mbylli si propagandë! Kjo është fotoja e parë e ditës kur Erion Veliaj vuri këmbë në pushtet, si Ministër i Mirëqenies Sociale dhe Rinisë në vitin 2013, dhe me të cilën vendosa të mos pajtohem asnjë ditë. Që atë ditë kam nisur ta neveris si politikan dhe e kuptova që ishte njeriu që, për të arritur qëllimet e veta, nuk e kishte për gajle të kursente askënd, madje as fëmijën e gjorë në këtë foto, që sot me shumë gjasë është bërë një djalë në moshë, e që, po me aq gjasë, asgjë mund të mos ketë ndryshuar në jetën e tij!”, shkruan Koka.

Më tej gazetari tha se, Erion Veliaj e varrosi për së dyti Ardit Gjoklajn e ndjerë në plehrat e Sharrës sapo u bë Kryetar i Bashkisë së Tiranës.

Koka theksoi se, sot për Erion Veliaj nuk u vu në vend drejtësia, por thjesht veproi e drejta e Zotit, që sheh e nuk harron.

“Më pas, Erion Veliaj e varrosi për së dyti Ardit Gjoklajn e ndjerë në plehrat e Sharrës sapo u bë Kryetar i Bashkisë së Tiranës. E vazhdoi duke ngulur beton pa fund në çdo cep të Tiranës, u bë autor i shembjes së Teatrit Kombëtar, ishte zgjatim i aferës së inceneratorit, pasuroi dhe bëri milionerë njerëzit e familjes e të tarafit, që sot e braktisi me paratë e qytetarëve të kryeqytetit.

Korruptoi çdo artist, gazetar, shkrimtar, mendimtar e këdo që iu nevojit për të mbajtur në këmbë maskaradën e tij si “njeriu i punës”, ndërsa nuk ishte veçse sharlatani i radhës, jo më i madhi, por më i rrezikshmi!

Kurrë në 34 vite politikë nuk kam arritur të skalis një rishtar që të rrudhej në fytyrë si ai!

Sot për Erion Veliajn nuk u vu në vend drejtësia, por thjesht veproi e drejta e Zotit, që sheh e nuk harron.

P.S... FUND!”, shkruan Koka./ CNA





Lajmet e fundit nga