web counter
LEXO PA REKLAMA!

SHKARKO APP

App Store
Google Play

E fundit!

x

"Seanca maratonë u mbyll sepse Rama përtonte të fliste"/ Noka: Diella s'është i vetmi avatar në parlament

24 Shtator 2025, 21:36, Politikë CNA

"Seanca maratonë u mbyll sepse Rama përtonte të

Deputeti i Partisë Demokratike, Flamur Noka i ftuar në një studio televizive analizoi seancën e sotme plenare dhe dy seancat e legjislaturës së re të javës së kaluar.

Noka tha se ndërprerja e seancës maratonë pas vetëm 25 minutash nga nisja u bë sepse kryeministri Rama përton të flasë. Noka ironizoi ministren virtuale Diella dhe tha se nuk është ajoi vetmi avatar i Ramës por të gjithë deputetët e majtë.

Noka tha se opozitës po i mbyllet fjala sepse jemi në autokraci.

 

Ne jemi në parlament për të përçuar zërin e qytetarëve. Ditët e para të kësaj legjislature kanë qenë turp dhe tentativë për të mbytur zërin opozitar.

Në këto seanca kemi parë se parlamentin e drejtoi Edi Rama. Ishte ai që po na tregonte se çfarë do thoshte opozita dhe kush do fliste.

Kryetari i Parlamentit i kthyer në skllav, Rama i drejtonte gishtin opozitës dhe ai i dha fjalën avatarit. Kjo është për të përdhunuar atë tempul dhe për të treguar së gjithçka e vendos ai. Pushteti legjislativ që në fillim tregoi se është kukull në duart e Edi Ramës. Rama i ka të gjithë avatar, sepse dhe qeniet prej mishi nuk mendojnë dhe nuk vendosin, prandaj produkti i një farse zgjedhore do të jetë një farsë.

E kanë të ndaluar të mendojnë, të flasin çdo gjë përveç atyre që u lejon kryeministri. Kjo nuk është disiplinë partie, por tregon se ka vdekur demokracia, tregon autokraci.

Nuk po shohim një parlament po një sallë ku opozitës po i mbyllet fjala. Ajo seancë ishte më e rëndësishmja dhe duhet të ishte sublime ku qytetarët duhet të dëgjonin çfarë do bëjë kryeministri. Gjithçka ishte e paramenduar sepse Rama përton të flasë, tha Noka./CNA

 

 

 





Lajmet e fundit nga