web counter
LEXO PA REKLAMA!

SHKARKO APP

App Store
Google Play

"Besoj te vullneti i opozitës për t'u kthyer qytetarëve Tiranën"/ Meta: Përballë Manastirliut duhet grintë

24 Shtator 2025, 18:37, Politikë CNA

"Besoj te vullneti i opozitës për t'u kthyer qytetarëve

Kryetari i Partisë së Lirisë, Ilir Meta në një intervistë për "Syri.net” të realizuar nga qelia ku po qëndron që prej tetorit të vitit 2024, ka folur ndër të tjera edhe për garën në Bashkinë e Tiranës.

Meta deklaron se kandidatja e PS-së, Ogerta Manastirliu tregon përkeqësim të situatës dhe e akuzon atë për afera në dikasteret e drejtuara.

Kreu i PL-së deklaron se opozita mund ta mundë me një kandidat me grintë dhe gjithëpërfshirës.

 

"Duke besuar se opozita e do bashkinë për t’ua rikthyer qytetarëve unë besoj edhe te vullneti i saj për të gjetur një kandidat ose kandidate që të përfaqësojë të kundërtën e asaj që përfaqëson kandidatja e Ramës, që është nënshtrimi ndaj tij dhe interesave mafioze për shkatërrimin e kryeqytetit vetëm në funksion të pastrimit të parave.

Çdo tregues në Tiranë ka ardhur në përkeqësim deri edhe cenimin serioz të shëndetit të qytetarëve për shkak të cilësisë skandaloze të ajrit dhe ngushtimit të hapësirave publike dhe të gjelbra.

Aq më tepër të mos harrojmë menaxhimin skandaloz të COVID-it nga ish-ministrja e Shëndetësisë.

Po kështu të mos harrojmë edhe keqmenaxhimin e fondeve ndërkombëtare gjatë pandemisë, aq sa më pas Banka Botërore kërkoi të bëheshin transparente kontratat dhe emrat e kompanieve përfituese.

Ndërsa për arritjet në arsim të ish-ministres flasin treguesit e institucioneve ndërkombëtare që njohin vetëm përkeqësim.

Natyrisht Edi Rama e mbështet fushatën jo te vlerat e kandidates, por te gjithë makineria shtetërore për të deformuar vullnetin e votuesve.

Po kështu edhe te një lloj befasie për opozitën, pas terrorizmit elektoral të 11 Majit.

Edi Rama kërkon të ‘harrohet’ ajo masakër që ndodhi më 11 Maj dhe ta ‘legjitimojë’ me një fitore të radhës.

Pra ai synon të kalojë nga ‘fitorja’ në ‘fitorje’ si në kohën e partisë-shtet.

Nëse opozita përzgjedh një kandidat ose kandidate gjithpërfshirëse dhe me grintë, me një organizim më të mirë, Bashkia e Tiranës do t’u kthehet qytetarëve", deklaron Meta në intervistë./CNA





Lajmet e fundit nga