web counter
LEXO PA REKLAMA!

SHKARKO APP

App Store
Google Play

Rama kritika për Ujësjellësin: Do bëjmë reformë, do krijojmë operatorin kombëtar të shpërndarjes

24 Shtator 2025, 18:14, Politikë CNA

Rama kritika për Ujësjellësin: Do bëjmë reformë,

Kryeministri Edi Rama ka kritikuar Ujësjellësin, duke thënë se ka problematika në lidhje me ujin e pijshëm në kryeqytet.

Rama tha se do të krijojë operatorin kombëtar të shpërndarjes së ujit që do të funksionojë njësoj si operatori i shpërndarjes së energjisë.

“Duke filluar nga uji i pijshëm që në këtë periudhë është kthyer në problem, është një problem i keqadministrimit, ne do të ndërhyjmë në ujësjellësin e Bashkisë së Tiranës. Një reformë më gjithëpërfshirëse në territor ka nisur të marrë jetë duke u konceptuar së bashku me ministren për infrastrukturën drejt krijimit të një operatori kombëtar që do të funksionojë si operatori kombëtar i shpërndarjes së energjisë me komponentin e prodhimit, transmetimit dhe shpërndarjes dhe qeveria nuk do të qëndrojë më anash duke pritur dhe shpresuar që bashkitë të kryejnë shërbimin e duhur dhe cilësor për qytetarët por do tu bashkohet atyre, bashkitë do të jenë aksionere në këtë kompani. Ky proces ka zgjatur duke pritur që të ngrihet në nivelin e duhur në të gjitha pjesët e territorit duke u bazuar në vendimarrje shpesh herë të pakënaqshme në nivelin lokal. Do krijojmë një kompani publike që si në fushën e energjisë do të jetë e strukturuar ndryshe duke filluar nga burimet njerëzore që nuk mund të jenë burime partie, por kompetente”, tha Rama./ CNA





Lajmet e fundit nga