E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

"Prokurimet dhe investimet kanë rënie dramatike"/ Rama: Nuk pres dot më, katarsis në Bashkinë e Tiranës

24 Shtator 2025, 18:29, Politikë CNA

"Prokurimet dhe investimet kanë rënie dramatike"/ Rama: Nuk

Kryeministri Edi Rama në mbledhjen e organizuar me deputetët e Tiranës dhe ministrat e rinj në selinë rozë, ka argumentuar se pse nuk mund të pritet më për të shkuar në zgjedhje të parakohshme.

Ai ashpër drejtimin e Bashkisë së Tiranës nga Erion Veliaj ku tha se ka shumë problematika por më kryesoret janë prokurimet publike që janë në pikën më të ulët historike dhe investimet kanë një rënie dramatike.

Po ashtu transporti publik dhe shkollat tha Rama kërkojnë zgjidhje.

Kryesocialisti paralajmëroi rrokadë në Bashkinë e Tiranës dhe tha se do të nisë një katarsis burimor, po ashtu paralajmëroi edhe ndëshkime të ashpra për zyrtarët e bashkisë që kanë penguar lirimin e hapësirave publike.

Rama kërkoi edhe legjitimimin nga strukturat duke e quajtur legjitimim demokratik.

Për kryeministrin situata është emergjente.

"Shqetësim që duhet adresuar është shqetësimi që kërkesa për kopshte dhe çerdhe rritet më shumë sesa oferta. Nga ana jonë kemi përcaktuar disa kritere për ata që duan të kontribuojnë duke plotësuar këto kritere. Deputetët e dinë presionin e komunitetit për shkollat në zonat ku janë rindërtuar apo ndërtuar shkolla nga e para.

Qytetarët duan zgjidhje për transportin urban në Tiranën e madhe, ka problematika pafund.

Problem ngelen edhe të prekurit nga tërmeti, kantieret që kërkojnë investime të reja nga Kombinati në 5 Maj.

Duhet thënë se bashkia ka bërë gjithçka por nga ana tjetër nevoja për të legjitumuar drejtimin e Tiranës me votën e popullit është emergjencë.

Prokurimet publike janë në pikën më të ulët, ka rënie dramatike të investimeve dhe unë nuk mund të pres më gjatë. Do të nisë një proces katarsoisi burimor, ashtu siç do bëjmë dhe me bashkitë e tjea, kjo kërkon një legjitimin demokratik.

Hapësirat publike rezultojnë të zëna anga zyrtarë vendorë, kjo do të rregullohet me ligjin e ri dhe do të ketë ndëshkime të rënda", tha Rama./CNA