web counter
LEXO PA REKLAMA!

SHKARKO APP

App Store
Google Play

Rama provokon opozitën/ "Patronazhistët do të hakmerren, goditja do të jetë e fuqishme"

24 Shtator 2025, 18:47, Politikë CNA

Rama provokon opozitën/ "Patronazhistët do të hakmerren,

Kryeministri Edi Rama në takimin me deputetët e Tiranës ndau detyrat për ta dhe për kandidatët që nuk fituan dot mandatin dhe tha se do të angazhohen në zgjedhje.

Rama provokoi opozitën dhe tha se patronazhistët do të hakmerren për përqeshjet që u janë bërë, dhe shtoi se goditjet e tyre do të jenë të fuqishme si në Tiranë, Mat dhe bashkitë e tjera.

 

"Kështu që, thënë të gjitha këto, unë edhe një herë dua të besoj qe të gjithë deputetet, ata që janë aktualë, ata që ishin dhe për mua mbeten pjesë e skuadrës sonë së 11 majit, por dhe të gjithë ata të tjerët, të cilët banojnë në bashkinë e Tiranës, pavarësisht se janë deputetë në qarqe të tjera, siç janë prezentë disa këtu, do të mobilizohen që të përfshihen drejtpërdrejt, duke marrë pjesën e tyre të përgjegjësisë mbi shpatulla sipas territoreve, sipas zonave, sipas njohjeve që kanë dhe sigurisht që, duke mos pasur asnjë dyshim për këtë, nuk kam po ashtu asnjë dyshim që patronazhistët mezi po presin që të hakmerren ndaj përqeshjeve të radhës, me një reagim të duhur të radhës, i cili do të pasqyrohet në rezultatin e zgjedhjeve për bashkinë e Tiranës kur ato të mbahen sipas procedurave, se nuk jemi ne që vendosim ditën e zgjedhjeve.

Po flas për Tiranën, se pastaj për Matin apo për Vlorën apo për nuk e di akoma se çfarë ka tjetër, besoj që goditja e patronazhistëve të atjeshëm, do jetë edhe më dëshpëruese sesa ajo e Tiranës, ku sidoqoftë prapë së prapë, do të zhvillohet një garë siç do zhvillohet kudo, sepse në fund të fundit ne për këtë punë jemi këtu, të fitojmë çdo garë që na del përpara me qetësinë më të madhe dhe patjetër me bindjen se pavarësisht se ne jemi fitimtarë, jemi fitimtarë pikërisht sepse vazhdojmë të zgjohemi më herët dhe të flemë më vonë sesa humbësit", tha Rama./CNA





Lajmet e fundit nga