web counter
LEXO PA REKLAMA!

SHKARKO APP

App Store
Google Play

E fundit!

x

Haxhimali: 1/3 e kryebashkiakëve në vend kanë probleme me integritetin dhe korrupsionin

25 Shtator 2025, 09:26, Politikë CNA

Haxhimali: 1/3 e kryebashkiakëve në vend kanë probleme me

Drejtori ekzekutiv i Institutit për Bashkitë, Agron Haxhimali, deklaroi sot se sipas raportit të një viti më parë, rezulton se 1/3 e kryebashkiakëve të zgjedhur në vend kanë probleme me integritetin dhe korrupsionin.

Në një intervistë në "Syri TV", Haxhimali u shpreh se pushteti vendor ka nevojë për stabilitet dhe jo për ndryshime të vazhdueshme.

Haxhimali shtoi se kjo çështje është problematike dhe akuzoi kryeministrin Edi Rama për shfrytëzim të pushtetit.

“Ka hapur tashmë telashe të tjera Rama, do të shkurtohen një pjesë e bashkive dhe kryebashkiakët i ka zënë frika. Jo 6, por Instituti për Bashkitë në raportin e 2024 për pushtetin vendor, rezulton se 1/3 e të zgjedhurve vendorë kanë probleme me integritetin e korrupsionin, dhe si të tillë janë pjesë e SPAK dhe sistemit të drejtësisë. Për mendimin tim, në këtë gjendje të mungesës së integritetit, mosstabilitetit për arsye vjedhjesh e dorëheqjesh, të gjithë duhet të shkojnë në zgjedhje. Nuk ndërtohet arkitektura e shtetit në mënyrë të tillë, kur vetë mazhoranca e destabilizon.

Një jep dorëheqjen, tjetrin në burg, tjetrin e bën ministër. Pushteti vendor ka nevojë për stabilitet, krijohet klimë konfliktuale e acaruese për qytetarët. S’ka një paqe sociale që qytetarët të jenë të angazhuar e të jetojnë të angazhuar në fshatin tonë të mrekullueshëm që shumë shpejt do të jemi në Europë, që s’e besoj shumë. Rrethanat gjeopolitike mund të na nxisin për në BE, duke iu referuar këtij procesi nga vendet që janë integruar më parë, mua më duket se ne jemi shumë larg sa u përket standardeve. S’ka nevojë të ma thotë as Marta, asnjë tjetër.

E pafalshme, e turpshme e dënueshme, ‘hakmarrja patronazhiste’, të më mbash të karikuar në këtë lloj gjuhe është e pafalshme. Patronazhistët janë bashkëpunëtorë që paguhen me taksat tona për interesa të PS-së. Si ndërtohet një shtet me këtë lloj presioni, se do të hakmerren patronazhistët. Kam ndjesi negative kur më mban me këtë presion. U mësuam me patronazhiostët e Patrtisë së Punës e tani më 2025... pse s’flet për procedurat në bashki, Tepelenë, Berat e Mat. Pse s’i vjen keq kryeministrit që i lënë qytetarët pa të zgjedhurin e tyre. Ç’punë ka kryeministri në zyrat e bashkisë e të bëjë bashkë zyrtarët lokalë të partisë, ministrat e  nënkryetarët e bashkisë. Të ma gjejë një shembull, e unë nuk dalë më në TV. Ma gjej një rast. Janë tejkaluar të gjitha normat e procedurat, është shkel Kushtetuta, ç’është ky rrëmbim, kontroll politik e territorial. Duhet të dalin e t’i thonë mjaft Ramës, dikush nga zyrtarët e bashkisë.

Me këtë pushtet të tepruar s’është çështje Rama, por është e jona. Nëse ne do ta përtypin, bravo i qoftë Ramës e t’i shumëfishojë kontrollet pa përjashtim. Nëse shoqëria nuk vetërregullohet, këto gjëra do të mbeten problematike. Arkitektura shtetërore, administrata publike, është një arkitekturë elektorale, që ka ndryshuar dinamikën e votës, përtej së vërtetës e realitetit dhe pluralizmit. Edhe ndryshimin mund ta bëjnë përmes patronazhimit, me kulturë demokratike cilësisht të ulët”,-tha Haxhimali./CNA

 





Lajmet e fundit nga