Një pjesë morali nga protesta

10 Qershor 2026, 15:20, Opinione RIVALI

Në protestë, një pjesë jo e pakët e saj janë ata që e sollën Edi Ramën në pushtet në vitin 2013, por jo vetëm kaq, janë edhe nga ata që një vit më parë e mbështetën që të fitonte mandatin e katërt.

Ky grupim përfshin OJF-të e Soros-it, influencerë, këngëtarë, artistë, aktivistë dhe socialistë që nuk pranojnë më 99-çat dhe Rilindjen.

Fotolajm/ "VIP"-at e paguar nga Veliaj që protestojnë kundër Ramës
5 Qershor, 10:08

Por ende askush nga ata nuk del të thotë unë e votova Ramën dhe nuk e votoj më, unë e solla Ramën në pushtet. Këta të gjithë na thonë merrni pjesë në protestë dhe “Rama në burg, Berisha në burg”.

Ky i dyti është me masë sigurie dhe një burg në shtëpi e bëri, jo se ky grupim nuk e di, por të nxitur edhe nga neokomunistët e Arlind Qorit dalin me parulla për të treguar distancë nga të gjitha palët kur në fakt janë vetë palë.

Kush është në protestë?!
10 Qershor, 14:48

Aty vetëm qytetarët që dalin se janë të mllefosur nga 35 vite padrejtësi dhe 13 vjet pushtet i Ramës nuk kanë palë, të tjerët shkojnë sa te Rama, te LGBT, te Soros-i e deri tek Veliaj apo korrupsioni i pushtetit dhe segmente agjencish të huaja që kanë detyrë të hedhin shishe benzine në zjarrin e ndezur.

Moralistët e pushtetit

Këta “moralistë” të pushtetit që sollën e mbajtën Ramën, apo të tjerë që duan skemat dhe skenarët e Soros-it, na thonë edhe Rama dorëhiqu, por ngelen deri këtu. Sulmojnë dhe Berishën dhe këtu e mbyllin. Këta janë pjesa më pa morale e protestës.

Kush dirigjon fjalimet dhe "show"-n në protestë?
10 Qershor, 14:59

Lind pyetja, ja iku Rama, edhe?

Kushtetuta e ka të qartë, Rama jep dorëheqjen, presidenti thërret kryetarin e partisë më të madhe, që është Rama, propozohet kryeministri i ri, themi Blendi Klosi dhe PS vazhdon qeveris, pas disa muajsh Rama rikthehet sërish.

Çfarë fituan protestuesit?

Thjesht fitojnë këta moralistët pa moral që ikën Rama, por partia që lindi në 8 nëntor 1941, që u bë Partia e Punës, dhe më pas u quajt Socialiste, vazhdon qeveris.

46 vite duart me gjak me qindra mijëra viktima, partia të rrijë në pushtet, kjo ka rëndësi, lideri vjen e ikën, të qeverisin sërish ata që janë. Këtu e gjejnë moralin e tyre politik dhe qetësinë me veten duke hedhur dhe akuzat për opozitën.

Askush nuk kërkon të shpërndahet Parlamenti nga këta moralistë pa moral, por do që të ngelet në fuqi “diktatura” e 800 mijë votave.

Kush janë iniciatorët e lëvizjes së re politike të dalë nga protesta/ Nga njerëzit e Lapajt, te njerëzit e Kokëdhimës
10 Qershor, 13:44

Opsioni i zgjedhjeve të parakohshme

Dikush mund të shkojë edhe tek opsioni i zgjedhjeve të parakohshme, por dhe kjo si zgjidhje për të majtët.

PS me Ramën në krye me zgjedhje të parakohshme, me Berishën përballë, fiton sërish me disa mandate më pak, por në fund gjithçka vuloset me shumicë votash dhe ai duket që ato i ka përsa kohë ky grupim i moralit pa moral brenda protestës (ata që e sollën Ramën dhe e votuan të ketë mandatin e katërt) shërben si përçarës i saj dhe jo i bashkimit në një front kombëtar opozitar që synon largimin e mazhorancës nga pushteti.

Me dorëheqjen e Ramës nuk zgjidhet asgjë, as më zgjedhje të parakohshme, zgjidhja duhet të kalojë nga një rrugë tjetër krejt politike, por jo me Shqipërinë e re si filmi i Kinostudios “Shqipëria e Re”./ CNA