E fundit!

16:33 Politikë

Debati për investimet e huaja/ Rama: Ftesë për vetëprapakthim kolektiv, Shqipëria s'ka për ta pranuar

Kryeministri Edi Rama ka bërë një tjetër reagim në lidhje ...

Kush dirigjon fjalimet dhe "show"-n në protestë?

10 Qershor 2026, 14:52, Aktualitet CNA

Prej 10 ditësh, një protestë masive me grupime e rryma të ndryshme, që nga më konservatorët deri te LGBT-të, ka pushtuar Tiranën.

Dhjetëra qytetarë që flasin në podium, midis tyre shkëlqejnë me dirigjencë shumë të majtë dhe instrumente të paguara nga organizata Soros dhe segmentet e kryebashkiakut të Tiranës, Erion Veliaj.

Skenarët e Erion Veliajt në protestën për Zvërnecin
4 Qershor, 10:47

Po kush e vendos kush flet në pudium e kush nuk duhet të flasë?

Pa lënë mënjanë ata që provokojnë protestuesit “ik ti se je me PD-në apo ke qenë me PS-në”, për të shitur gjoja një lëvizje të pavarur.

Në fakt, ky veprim pa dhunë dhe dëbimi i një pjese të protestuesve është thjesht një akt i dirigjuar nga mentaliteti neokomunist dhe anarkist. Kjo pjesë tregon shumë për moralin dhe qëllimet e disa grupimeve brenda protestës.

Kush është në protestë?!
10 Qershor, 14:48

Sipas të dhënave të siguruara nga CNA, një nga njerëzit kryesorë të organizimit që kontakton njerëzit për të folur në podiumin e protestës është gazetari Gjergji Erebara.

Ky është drejtues i "Birn" në Shqipëri dhe portalit "Reporter", që financohen si projekt edhe nga zyrat e Soros-it në Beograd.

Një majtist që dirigjon kush do të shkojë të flasë e kush jo apo dhe qëndrime e sulme nga njerëz të caktuar që s’duhet të jenë në protestë.

Stili i Soros-it, stili i Veliajt që tregon edhe mentalitetin e neokomunistëve që kërkojnë një Shqipëri të re me stilin e filmave të Kinostudios "Shqipëria e Re", që kanë qenë vepra të vyera të ekranit dhe kinematografisë, por në shumicën dërrmuese mjete propagande pushteti.

Kështu duan ta ruajnë “të virgjër” protestën e tyre produktet e Soros-it që vendosin kush do të flasë e kush duhet apo nuk duhet të jetë në protestë. Këtu nuk përfshihen qytetarët dhe grupimet e tjera që shkojnë aty për padrejtësitë e 35 viteve apo për gotën e derdhur nga 13 vite pushtet të Edi Ramës./ CNA