web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori Velaj takohet me kryebashkiakun e Wieselburg-ut/ Propozon Shqipërinë si vend mysafir në panairin e Bujqësisë në Austri

10 Qershor 2026, 14:41, Aktualitet CNA

Ambasadori Velaj takohet me kryebashkiakun e Wieselburg-ut/ Propozon

Ambasadori i Shqipërisë në Austri, Fate Velaj, ka zhvilluar një takim me Dr. Josef Leitner, kryetar i Bashkisë së Wieselburg-ut. Ky qytet njihet në Austri si “Qyteti i Panaireve”, ku organizohet një nga eventet më të rëndësishme të sektorit të bujqësisë në vend.

Velaj bën me dije se qëllimi i takimit ishte diskutimi i mundësive për zgjerimin e konceptit tradicional të panairit, me fokus të veçantë në vendet e Europës Juglindore.

Ambasadori ka propozur që në edicionin e vitit të ardhshëm, Shqipëria të ftohet si vend mysafir, dhe kjo, sipas tij, do t’i krijonte mundësinë Shqipërisë të prezantojë arritjet dhe zhvillimet e saj në sektorin e bujqësisë, agroindustrisë dhe inovacionit rural.

Gjithashtu ka propozuar organizimin e një forumi dialogu, ku përfaqësues institucionalë, ekspertë, sipërmarrës dhe aktorë të tjerë nga Austria dhe Shqipëria të prezantojnë vizionet e tyre për të ardhmen e bujqësisë, sfidat e transformimit të gjelbër dhe mundësitë e bashkëpunimit ndërkufitar.

Velaj thekson se një iniciativë e tillë do të kontribuonte në krijimin e një platforme të re bashkëpunimi mes Shqipërisë dhe Austrisë.

Postimi i plotë:

Takim me Dr. Josef Leitner, Kryetar i Bashkisë së Wieselburgut

Sot zhvillova një takim me Dr. Josef Leitner, kryetar i bashkisë së Ëieselburg, qytet i njohur si “Qyteti i Panaireve”, ku organizohet një nga panairet më të rëndësishme të bujqësisë në Austri.

Qëllimi i takimit ishte diskutimi i mundësive për zgjerimin e konceptit tradicional të panairit, duke i dhënë atij një dimension më të theksuar ndërkombëtar, me fokus të veçantë në vendet e Evropës Juglindore.

Në këtë kuadër, propozova që në edicionin e vitit të ardhshëm Shqipëria të ftohet si “Guest Country” (Vendi Mysafir). Kjo do t’i krijonte mundësinë Shqipërisë të prezantojë arritjet dhe zhvillimet e saj në sektorin e bujqësisë, agroindustrisë dhe inovacionit rural, përmes një hapësire të dedikuar ekspozimi.

Njëkohësisht, propozova organizimin e një forumi dialogu, ku përfaqësues institucionalë, ekspertë, sipërmarrës dhe aktorë të tjerë nga Austria dhe Shqipëria të prezantojnë vizionet e tyre për të ardhmen e bujqësisë, sfidat e transformimit të gjelbër dhe mundësitë e bashkëpunimit ndërkufitar.

Një iniciativë e tillë do të kontribuonte jo vetëm në forcimin e marrëdhënieve ekonomike dhe kulturore midis Austrisë dhe Shqipërisë, por edhe në krijimin e një platforme të re bashkëpunimi.

Në përmbyllje, i fola për një partneritet midis Wieselburg dhe Divjakës të cilën kryetari Leitner, shprehu gadishmëri.  /CNA





Lajmet e fundit nga