web counter
LEXO PA REKLAMA!

SHKARKO APP

App Store
Google Play

Edi Rama nuk qeveris më!

9 Qershor 2026, 19:00, Aktualitet CNA

Edi Rama nuk qeveris më!

Deputeti i Partisë Demokratike, Belind Këlliçi ka bërë një reagim në rrjetet sociale rreth protestave të ditëve të fundit.

Këlliçi shkruan se Rama prej 10 ditësh nuk qeveris më, pasi protesta qytetare e ka paralizuar atë dhe gjithë ekzekutivin, pasi gjatë këtyre ditëve nuk ka asnjë vendim.

Demokrati shkruan se Rama ka hequr dorë nga detyra e kryeministrit dhe ka nisur antimitingjet.

 

 

 

Postimi i Këlliçit

 

Edi Rama nuk qeveris më!

Prej 10 ditësh, Edi Rama nuk qeveris më. Nuk ka asnjë produkt, asnjë tezë, asnjë vendim. Protesta qytetare e ka vënë poshtë, e ka paralizuar atë dhe gjithë ekzekutivin. Duke pasur si prioritet vetëm që t’i mbijetojë këtij uragani popullor, Kryeministri ka hequr dorë nga detyra dhe i është përveshur anti mitingut. Nëpunësit dhe administrata nuk punojnë më, janë shndërruar në duartrokitës me dhunë dhe nuk u kërkohet asgjë tjetër.

Papritur nuk flitet më as për integrimin ku Shqipëria me Edi Ramën në krye po ngjiste shkallët drejt Brukselit në një mënyrë që po mahniste botën ngado.

Çrregullimi i kreut të organizatës është në nivel alarmant, ai bën tanimë gjeste e lëvizje që pos të tjerash po e bëjnë dhe qesharak. Shqiptarët me ndihmën e të rinjve që vërshuan në sheshe e larguan frikën dhe sot po tallen me atë që deri dje i frikësonte dhe i shantazhonte.

Nervozizmi i Edi Ramës kuptohet se ka zënë vend në çdo forum. Mjafton të shihni komunikimin e brendshëm të Grupit Parlamentar të PS, për të dalluar se si qetësia e komunikimi kanë avulluar.

Ka stres, ka shpërthime, ka ironi, ka bullizim. Disa media e kanë publikuar. E gjitha lidhet me protestën.

Kërkesa masive për dorëheqje jo vetëm ka ngrirë qeverisjen, por dhe PS dhe festivalin e dekoratave. Ka hedhur në tokë dhe propagandën.

Edi Rama mezi bën lajm dhe për mediat që ka nën kontroll, dallohet sforcimi i tyre për të nxjerrë një titull të hajrit.

Ka prekur fundin!

Prej 10 ditësh, gjithçka nis në orën 18:00.

Të gjithë e kanë mendjen aty. Socialistët, edhe më shumë.

Nga frika se sa do të jenë sonte.

Rendi i ri është në fuqi.

 





Lajmet e fundit nga