web counter
LEXO PA REKLAMA!

SHKARKO APP

App Store
Google Play

E fundit!

x

Komunikimi për rastet e autizmit/ Logopedi: Ekolalia trajtohet përmes terapisë, ndryshim edhe në cilësinë e jetës

9 Qershor 2026, 17:24, Aktualitet CNA

Komunikimi për rastet e autizmit/ Logopedi: Ekolalia trajtohet përmes

Logopedi Elis Musaraj ishte një nga të ftuarit e episodit të radhës të podcast-it “Ndryshe, por bashkë”, që transmetohet në CNA TV.

Duke iu referuar komunikimit për rastet e fëmijëve dhe të rinjve me autizëm, Musaraj u shpreh se një element kyç është edhe hartimi i planeve individuale duke u bazuar në nevojat e secilit individ, për të shprehur kërkesat e tyre.

Sipas logopedit, synimi është shkëputja nga ekolalia dhe arritja e një komunikimi normal, ndërsa sugjeroi se terapitë e artit dhe ato motore janë ndër praktikat më të efikase në këtë drejtim.  

Musaraj shtoi se një objektiv i së ardhmes në logopedi është edhe përmirësimi i komunikimit, për punësimin më të lehtë të personave me autizëm.

“Në bazë të nevojave të tyre, hartohen plane individuale, që përfshin logopedi, komunikim individual e funksional, që ekolalinë t’ua kthejmë në komunikim normal, për të kërkuar gjërat bazike që ka nevojë. Gjithashu, ka terapi arti, terapi motore, etj. Të rinjve u kthemi dhënë detyra të vogla, që lidhen drejtpërdrejtë me higjienën dhe pastrimin, që kthehen në rutinë. Artikulimi është jo i qartë, por i kuptueshëm. Synimet nuk janë vetëm që në të ardhmen në përmirësojnë mënyrën e komunikimit, por të përmirësojnë cilësinë e jetës. Që ata të aftësohen për jetën, të vetëkujdesen. Një ëndërr shumë e madhe, por jo e parealizueshme, është që të punësohen”,-tha Musaraj./CNA





Lajmet e fundit nga