web counter
LEXO PA REKLAMA!

SHKARKO APP

App Store
Google Play

"Vërejtje për kauzën fillestare, investimi në Zvërnec"/ Analisti: Protesta është duke u zbukuruar

8 Qershor 2026, 21:38, Aktualitet CNA

"Vërejtje për kauzën fillestare, investimi në

Analisti Mentor Nazarko në një dalje televizive teksa ka folur për protestën e ditëve të fundit ka thënë se po shtohet përmasa kombëtare dhe prania e diasporës.

Gjëra këto, që për Nazarkon janë themelore dhe protesta është duke u zbukuruar.

Nazarko është shprehur se me një spektër kaq të gjerë, protesta do duhet që të kanalizohet apo të shndërrohet në një lëvizje politike.

Analisti kishte dhe një vërejtje për protestën, që është kundërshtimit i investimit në Zvërnec.

 

“Po shtohen flamujtë shqiptarë, po shtohen mesazhet kundër asaj politike të fqinjve e cila ka cenuar integritetin territorial. Pra, po shtohet edhe përmasa kombëtare, po shtohet prania e diasporës, që është gjë shumë e rëndësishme, është themelore. Kështu që, në shumë aspekte protesta është duke u zbukuruar, është duke u mbushur me thelb, është duke u mbushur me përmbajtje dhe është në një farë mënyre një lloj pasqyre ku duhet të shihet politika ekzistuese e të dy krahëve. Për të gjithë aspektet apo për shumë aspekte, ajo është për çdo lëvdatë kur thonë në Kosovë. Natyrisht, protesta me një spektër kaq të gjerë interesash dhe grupesh, për shkak të atij spontanitetit, do duhet që të formësohet, do duhet që të kanalizohet apo të shndërrohet në një lloj lëvizjeje politike, siç ka simotrat apo të ngjashmet e veta në të gjithë globin. Për mua është e rëndësishme që të ruajë boshtin kombëtar, boshtin properëndimor që është aspirata jonë kombëtare që nga Rilindja e këtej. Natyrisht, mund të kem patur dhe i kam vërejtjet e mia për atë që ka qenë kauza fillestare e saj, që është investimi në Zvërnec, por me hapjen e fizarmonikës, axhendës apo të tematikave po shikoj që po kapërcehet kjo temë. Unë do dëshiroja që kjo protestë të reflektonte pozitivisht dhe për atë që është një nga ngjarjet më të rëndësishme të kombit shqiptar sot, që është hyrja në Bashkimin Europian”, tha Nazarko.





Lajmet e fundit nga