web counter
LEXO PA REKLAMA!

SHKARKO APP

App Store
Google Play

E fundit!

x

“Ngrirja” e çështjes së Aeroportit të Vlorës/ MABCO kallëzon në SPAK gjyqtaren

8 Qershor 2026, 12:02, Aktualitet CNA

“Ngrirja” e çështjes së Aeroportit të

Kompania MABCO ka kallëzuar në Prokurorinë e Posaçme, gjyqtaren Miranda Naka. MABCO akuzon gjyqtaren se ka bllokuar ndryshimin e administratorit të VIA-s dhe ka nxjerë një vendim që, sipas kompanisë bie ndesh me vendimin e Gjykatës së Lartë.

Ndër të tjera, kompania ka njoftuar nisjen e procedurave për arbitrazh ndërkombëtar. Gjithashtu në deklaratën e mëposhtme thuhet se Valon Ademi prej më shumë se një muaj, për shkak të mmosveprimit ose mbështetjes së institucioneve shqiptare ka marrë në kontroll de facto aeroportin, duke bllokuar aktivitetin e projektit.

Më tej, MABCO thekson se synimi i saj nuk është konflikti por mbrojtja e investimit të saj dhe rikthimi i administrimit ligjor të Aeroportit të Vlorës.  

Deklarata:

MABCO kallëzon në SPAK gjyqtaren Miranda Naka, duke e akuzuar se ka bllokuar ndryshimin e administratoit të VIA-s dhe ka nxjerrë një vendim që sipas kompanisë, bie ndesh me vendimin e Gjykatës së Lartë.

Kompania njofton nisjen e procedurave për arbitrazh ndërkombëtar.

Institucionet shqiptare kanë dështuar të mbrojnë investimin dhe të zhbllokojnë kantierin e Aeroportit të Vlorës.

Ortaku me 2% të kuotave, Valon Ademi ka marrë kontroll de facto të aeroportit, duke bllokuar aktivitetin e projektit për më shumë se një muaj me mbështetje ose mosveprim të institucioneve shtetërore.

Presidenti i Republikës, partitë politike, grupet parlamentar dhe trupi diplomatik janë informuar me letër, ku ngrihen shqetësime për sigurinë juridike, mbrojtjen e investitorëve të huaj dhe respektimin e pronës private në Shqipëri.

MABCO thekson se zotëron 98% të kuotave të VIA-s dhe paralajmëron se çdo kontratë apo marrëveshje e lidhur pa miratimin e saj do të përballet me të githa mjetet ligjore duke kërkuar zbatimin e plotë të vendimit të Gjykatës së Lartë.

MABCO kërkon thjesht të drejtës që i takon me ligj. Kompania thekson se synimi i saj nuk është konflikti por mbrojtja e investimit të saj dhe rikthimi i administrimit ligjor të Aeroportit të Vlorës, në përputhje me të drejtat që rrjedhin nga zotërimi i 985 të kuotave të VIA-s.

Dy ditë më parë lidhur me vendimin e Gjykatës së Tiranës për ngrirjen e situates aktuale të kompanisë VIA sh.p.k., deri në marrjen e një vendimi të formës së prerë, reagoi edhe biznesmeni Behgjet Pacolli.

Ai shprehej se është shqetësuese që një gjykatë e nivelit më të ulët të injorojë, anulojë dhe të sfidojë hapur vendimet e Kolegjit të Gjykatës së Lartë duke vendosur ndryshe për të njëjtat çështje juridike të trajtuara më parë nga instanca më e lartë e drejtësisë.

Biznesmeni thekson se një praktikë e tillë përveç se dëmton rëndë palën, cenon sigurinë juridike, hierarkinë gjyqësore dhe besimin e qytetarëve në sistemin e drejtësisë dhe cenon rëndë gjithashtu imazhin dhe seriozitetin e shtetit shqiptar. /CNA





Lajmet e fundit nga