web counter
LEXO PA REKLAMA!

SHKARKO APP

App Store
Google Play

Këlliçi i zbulon skenarin Ramës: Distancohuni nga provokimet

8 Qershor 2026, 12:50, Aktualitet CNA

Këlliçi i zbulon skenarin Ramës: Distancohuni nga provokimet

Deputeti i PD-së, Belind Këlliçi, i ka zbuluar skenarin kryeministrit Edi Rama, që, sipas tij, kërkon të dëmtojë protestën qytetare.

Këlliçi ka ndarë një video ku bulevardi është veshur me flamurin izraelit në kuadër të javës kulturore të Izraelit dhe krahas shkruan se ky është skenari djallëzor i Ramës.

Sipas deputetit, me këtë akt Rama shpreson të ndodhë ndonjë akt që do t'i baltoste njerëzit që janë ngritur në revoltë dhe për këtë ka angazhuar të infiltruarit e tij në protestë.

Këlliçi u bën thirrje protestuesve që të distancohen nga provokimet.  

“Edi Rama po bën gjithçka për ta dëmtuar protestën qytetare dhe është gati të vërë në jetë dhe skenarin më djallëzor të mundshëm!!!

Ka veshur Bulevardin me flamuj të Izraelit duke shpresuar të ndodhë ndonjë akt që do t'i baltoste njerëzit që janë ngritur në revoltë.

Burime shumë serioze informojnë se Edi Rama do ta ekzekutojë vetë këtë skenar me njerëzit e tij të infiltruar mes turmës, ditën e sotme! Ndaj dhe flamujt, si kurrë më parë, janë vënë në lartësi që lehtësisht mund të kapen nga këmbësorët!

Është rasti që çdokush të bëjë kujdes e të mos bjerë pre e këtij provokimi.

Distancohuni nga çdo akt, gjest, apo skenar që synon të devijojë qëllimin e vërtetë të protestës që është dorëheqja dhe korrupsioni i Edi Ramës.

Bëni kujdes, qëndroni vigjilent, distancohuni nga provokimet!”, shkruan Këlliçi./ CNA





Lajmet e fundit nga