web counter
LEXO PA REKLAMA!

SHKARKO APP

App Store
Google Play

E fundit!

x

Rama ironizon influencerët: Punojnë në "Instagram" dhe flasin për jetë modeste me 20 mijë euro në muaj

9 Qershor 2026, 12:15, Aktualitet CNA

Kryeministri i Shqipërisë, Edi Rama, ka ironizuar sërish influencerët dhe mënyrën se si ata paraqesin stilin e tyre të jetesës në rrjetet sociale dhe media.

Në Konferencën e Tretë Kombëtare të Arsimit, Rama u shpreh se disa prej tyre punojnë në "Instagram" dhe njëkohësisht japin intervista ku pretendojnë për një jetë modeste, ndërkohë që, sipas tij, shpenzimet mujore arrijnë në rreth 20 mijë euro.

“Nëse dikush më gjen një vend në bregdetin shqiptar, flas për investimet që janë bërë, për hoteleri ku paguhet më pak se në Greqi, atëherë unë do të detyrohem të rishikoj këtë opinion. Nuk ka.

Ata të cilët nxisin racizëm ndaj punonjësve të huaj dhe kujtojnë se vijnë këtu si skllevër ata nuk duan të punojnë dhe të marrin një pagë si në Greqi dhe Kroaci ose nuk janë në atë fushë dhe nuk kanë asnjë nevojë për një punë, përkundrazi punojnë në 'Instagram' dhe japin intervista se si jeta e tyre modeste kushton 20 mijë euro në muaj. Sa më lart të jetë cilësia e sistemit të turizmit aq më të larta do të jenë pagat. Sa më i lartë të jetë konsumi i atyre që vijnë për të shpenzuar aq më të larta do jenë të ardhurat e sistemit dhe shtetit”, tha Rama./ CNA





Lajmet e fundit nga