web counter
LEXO PA REKLAMA!

SHKARKO APP

App Store
Google Play

E fundit!

x

Matura Shtetërore 2026/ Mbi 26 mijë nxënës zhvillojnë sot provimin e Gjuhës Shqipe dhe Letërsisë

9 Qershor 2026, 09:09, Aktualitet CNA

Matura Shtetërore 2026/ Mbi 26 mijë nxënës zhvillojnë

Ditën e sotme, 26.600 maturantë do të zhvillojnë provimin e Gjuhës Shqipe dhe Letërsisë. Provimi do të nisë në orën 10:00 dhe do të zgjasë 2 orë e 30 minuta.

Në të gjithë vendin janë 144 qendra provimi në shkolla. Mbarëvajtja e procesit do të mbështetet nga 2087 mësues administratorë dhe 170 monitorues të Ministrisë së Arsimit. Ndërkohë më 16 qershor, maturantët do të zhvillojnë provimin e Matematikës dhe më 23 qershor provimin me zgjedhje.

Ministria e Arsimit në udhëzimin e saj thekson se është rreptësisht e ndaluar që gjatë kohës së provimit, maturantët të kenë me vete telefona, orë smart e çdo pajisje tjetër të lidhur inteligjencën artificiale.

Ndalohen gjithashtu kopjet, bisedat me nxënës të tjerë dhe përdorimi i materialeve të tjera të palejuara. Po ashtu, udhëzimi rikujton se nxënësit duhet të kenë me vete një nga mjetet e identifikimit, si letërnjoftim ose pasaportë, si edhe disa mjete të nevojshme shkollore. /CNA





Lajmet e fundit nga