web counter
LEXO PA REKLAMA!

SHKARKO APP

App Store
Google Play

E fundit!

x

Komunikimi joverbal te autizmi/ Këshilla e logopedit: Kujdes me teknologjinë, jo ekspozim para moshës 5-vjeçare

9 Qershor 2026, 17:41, Aktualitet CNA

Komunikimi joverbal te autizmi/ Këshilla e logopedit: Kujdes me

Logopedi Elis Musaraj ndau disa këshilla të vlefshme të lidhura me komunikimin e fëmijëve dhe të rinjve me spektrin e autizmit.

Duke folur në podcast-in “Ndryshe, por bashkë” në CNA TV, Musaraj tha se komunikimi joverbal përmes gjesteve, shikimit apo mimikave mund të ndryshojë. 

“Mungesa e komunikimit joverbal nuk do të thotë automatikisht që një individ me autizëm nuk kupton, që nuk mund të shprehë emocionet apo që nuk ka ndjenja. Ky është gabimi më i madh që mund të bëhet. Do të thotë që përdor gjestet, shikimin, mimikë, më pas është aftësia e prindërve, grupit shoqëror dhe terapistëve që ta kuptojnë. Konsulta me specialistin është gjëja më e mirë që mund të bëjë prindi. Për të ndarë nëse kalon vetë apo duhet ndjekur”,-tha logopedi.

Më tej, Musaraj sqaroi se fëmijët duhen lënë të komunikojnë lirisht, pa ndërhyrjen ose ndihmën e prindërve.

“Gabimi i parë është që nuk duhet të mbivendosemi te fëmijët. Kur kërkon të shprehë diçka, të mos e plotësojmë. Është gabim tipik. Nuk duhet folur në praninë e fëmijëve sikur ata nuk mundën. Jo të themi ‘ a do flasësh ndonjë herë ti!’,-u shpreh ai.

Ndër të tjera, logopedi u ndal edhe te një element me rëndësi në botën e sotme, teknologjinë, teksa sugjeroi që pajisjet të përdoren me kujdes dhe ekspozimi ndaj tyre të mos ndodhë para moshës 5-vjeçare.

“Teknologjia, nëse përdoret në mnëyrë të përgjegjshme, ndihmon sepse krijon komunikim alternativ. Lehëtëson terapinë, ndërsa ekspozimi në moshat e hershme nuk duhet, deri në moshën 5-vjeçare. Duhet gjëra shqip dhe që flasin, jo kukullat pa zë”,-shtoi logopedi./CNA





Lajmet e fundit nga