web counter
LEXO PA REKLAMA!

SHKARKO APP

App Store
Google Play

E fundit!

x

Protesta që po tkurr PD-në

10 Qershor 2026, 15:25, Opinione RIVALI

Bulevardi “Dëshmorët e Kombit” ndizet çdo ditë nga protestat, por edhe në qytete të ndryshme ka reagim duke kërkuar largimin e kryeministrit apo duke qëndruar kundër 35 viteve padrejtësi ndaj shqiptarëve.

Në protestë ka shumë grupime apo rryma nga sorosianë, neomarksistë, LGBT-istë, të djathtë, të majtë, qytetarë të mllefosur dhe të mërzitur nga padrejtësitë deri tek opozitarët e PD-së.

Në fakt, nëse ka një forcë politike që po e tkurr kjo protestë është Partia Demokratike.

Shumë nga militantët dhe të rinjtë e saj kompleksohen nga thirrjet e organizuara nga Arlind Qori apo njerëzit e Soros-it kundër Sali Berishës.

Në fakt, demokratët janë pjesa më me moral, pasi prej 13 vitesh protestojnë ndaj Ramës dhe nuk janë ata që e kanë sjellë apo mbajtur Ramën në pushtet si shumë të tjerë në protestë, që thonë të ikë Rama, por të qëndrojë PS-ja, skemë e qartë e Soros-it dhe zdromsit në qelitë e Durrësit, që shkon përtej hakmarrjes.

Protesta, përtej shpresës që ngjall te shumë shqiptarë, ka sjellë edhe një tkurrje të PD-së, kjo përtej faktit se është apo jo Berisha në krye.

Ata që protestojnë janë opozitarë në thelb, përfshi edhe të pakënaqurit me Ramën, përjashto ata që duan sërish PS-në në pushtet. Ato rryma opozitare në protestë nuk shkojnë si votë politike për PD-në, por, përkundrazi, janë më shumë votë gri që gjendet në protestë e shkon te partitë e vogla, siç u pa në zgjedhjet e fundit parlamentare që nga Shehaj, Lapaj apo Qori.

Arsyet pse PD nuk po e kapitalizon dot protestën

PD duket se nuk po e kapitalizon dot protestën për interes të saj, edhe pse është prezente në shesh. Kjo vjen për dy arsye; e para për faktin që në krye qëndron Berisha dhe ka një ngarkesë ndaj tij, e cila vjen nga 35 vite në politikë.

E dyta, nga qëndrimi pro investimit në Zvërnec, e cila nga të majtët dhe rrymat marksiste u quajt bashkëpunim me Ramën.

Këto dy arsye nuk po e lejojnë PD-në të rritet elektoralisht nga kjo protestë, edhe pse është partia më e madhe opozitare, dhe për këdo që shikon dhe lexon qartësisht, organizatorët e Soros-it dhe rrymat majtiste në protestë kujdesen ta bashkojnë Berishën me Ramën, por dhe të dëbojnë si fajtorë ata që kanë 13 vite në opozitë.

Ka një përkujdesje të veçantë që protesta të mos ketë ngjyrat e PD-së, por të jetë majtas, kundër të gjithëve, me sloganin “Shqipëri e re”, dhe kjo duket në mënyrë të përsëritur si një film i Kinostudios “Shqipëria e Re”, i cili përpara se të transmetohej shikohej nga udhëheqja, e cila përkujdesej shumë për mesazhet dhe propagandën.

Mesazhi i protestës, kundër klasës së vjetër politike

Sot mesazhi që përcjell protesta është kundër Ramës, por edhe kundër Berishës dhe klasës së vjetër politike, pra si një lëvizje e re me neomarksistë, me LGBT, me gjoja revolucionarë, me socialistë apo demokratë dhe pa harruar më të rëndësishmit, qytetarët hallemëdhenj, që shkojnë në protestë dhe ngelen në fund si figurantët e filmave të Kinostudios, sepse qëllimi i atyre që dirigjojnë është që bashkë me goditjen që i jepet Ramës të mos rritet PD-ja. Kjo është jo vetëm e dukshme, por qëllimi kryesor i disa rrymave dhe elementëve organizues e drejtues. / CNA

 

 





Lajmet e fundit nga