web counter
LEXO PA REKLAMA!

SHKARKO APP

App Store
Google Play

E fundit!

x

Mitro Çela rikujton historinë e pelikanit kaçurrel me Sokol Olldashin

9 Qershor 2026, 09:08, Opinione Mitro Çela

Mitro Çela rikujton historinë e pelikanit kaçurrel me Sokol

PELIKANI KAÇURREL

-Në protestat e qytetarëve kundër Ramës dhe Berishës, del edhe një simbol: pelikani kaçurrel.

(Dhe flamingot. Në shumë kronika të shtypit të huaj protesta quhet: Revolucioni Flamingo”.)

Vite më parë kam bërë një ese për pelikanin kaçurrel.

Rruga Fier - Vlorë ishte parashikuar të ndërtohej me financim të Bashkimit Europian.

U bë projekti i rrugës. U bënë llogaritë për fondet.

Në Bruksel, për të firmosur livrimin e fondeve, shkoi një delegacion.

E kryesonte ministri i Transportit, Sokol Olldashi.

Kur ministri nga Shqipëria priste të hidhej firma, ekspertët e Brukselit kundërshtuan.

Mes ministrit dhe një eksperti u zhvillua një bisedë me nota surrealiste.

Ministri:- Cili është shkaku që nuk pranoni të hidhni firmën?

Eksperti:- Pelikani kaçurrel!

Ministri:- Ç’është kjo marrëzi?! Ne kemi ardhur në Bruksel për rrugën, ju na flisni për zoga të egra?!

Eksperti:- Zoti ministër! Ruani gjakftohtësinë! Zëvendësministri juaj i Mjedisit, Taulant Bimo, ka shkruar se në kënetën e Nartës, pranë së cilës do të kalojë rruga Fier - Vlorë, rriten zogj të rrallë.

Me paratë e BE-së nuk mund të lejojmë “pushkatimin” e pelikanit kaçurrel!

Do të ishte një akt çnjerëzor!

Europa e idealeve të Miteranit, Kolit, Margaret Teçerit dhe Tini Bler nuk do të lejojë dhe as ka për të lejuar kurrë, të abuzohet mbi të drejtën për të jetuar, e drejtë e dhënë nga Zoti, për pelikanin kaçurrel të pafajshëm!

Zoti i bekoftë, zogjtë dhe kafshët e egra, që jetojnë në trojet shqiptare!

Në inat e sipër ministri mori në telefon Berishën.

Nuk kam informacion për bisedën.

Unë di pasojat, sipas tregimit të zëvendësministrit të Mjedisit, Taulant Bimo…

-Mesnatë. Isha shtrirë në krevat. Bie telefoni… Ishte Kryeministri!...

Pa shumë delikatesë, më ftoi të shkoja në zyrë.

Kryeministri u fut drejt e në temë:

- Ke shkruar ndonjë letër për Brukselin kohët e fundit?

-Jo!

-Mendohu mirë!

Vrava mendjen… Përsëri thashë: “Jo!”…

-Për pelikanin kaçurrel nuk ke bërë ndonjë letër?

U kujtova... Më erdhi zemra në vend…

Disa vite më parë kisha botuar një libër për shpendët e rrallë që rriten në Shqipëri.

Mes tyre bën pjesë edhe pelikani kaçurrel.

“Libri, me sa duket do të ketë rënë në duar e ndonjë eksperti të BE-së”, - i thashë Kryeministrit.

-Duhet gjetur një kompromis, - tha Berisha duke qeshur. Të lutem, bëj një letër për Brukselin…

-Po atë natë, tregon Taulan Bimo, “thura” një letër diplomatike për vlerat dhe rëndësinë që ka pelikani kaçurrel për fatet e Shqipërisë.

Hodha idenë: Rruga Fier-Vlorë, të ndërtohet, nëse projektit i bëhen korrigjimet e domosdoshme për mbrojtjen e pelikanit kaçurrel...

Pasi në projekt u shtuan disa rrjeta, ekspertët e Brukselit u bindën dhe miratuan fondet për ndërtimin e rrugës…

Kush nuk e beson tregimin tim, le të marrë rrugën për në Vlorë.

Në autostradë, afër Panajasë, si fantazmë në mes te fushës, janë ndërtuar disa prita me rrjeta.

Koment:

Debati është bërë në vitin 2006.

BE si institucion nuk ka lëvizur nga Brukseli. Edhe idetë për mjedisin nuk janë “fshirë”. Janë betonuar- një ndër kushtet për anëtarësim në BE.

Ekspertët e viteve 2000 kanë dalë në pension. Edhe lidershipi.

Ekspertët e rinj flenë mbi dafina.

Heshtin kur e dinë se aeroporti i Vlorës është “armik” për shtegtimin e flamingove dhe pelikanit kaçurrel.

Bëjnë hosona për projektet e Zvërnecit dhe Nartës, që “pushkatojnë” mjedisin.

Po liderët e BE-së? Disa anonimë. Disa pa autor. Disa me origjinë nga vende të vogla-Luksemburgu, Malta.

Ish-zv.ministra të shkarkuar. Ish-deputetë pa karrierë. Ish-“Yes” menë./ CNA

 





Lajmet e fundit nga