web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria nuk është në shitje!

1 Qershor 2026, 19:43, Opinione Ardi Stefa

Shqipëria nuk është në shitje!

Pavarësisht kaosit të mesazheve, banderolave, pankartave dhe kauzave që u përzien në të njëjtin shesh; pavarësisht se u fol për Çamërinë, për flamingot, për korrupsionin dhe kërkesën për anullimin e projektit, për betonizimin, për zonat e mbrojtura në Zvërnec e kudo në Shqipëri; pavarësisht thirrjeve nacionaliste të tipit: "Shqipëria e shqiptarëve, vdekje tradhtarëve", që sipas disa politikanëve e analistëve tingëllojnë absurde në gojën e "neokomunistëve"; pavarësisht këngëve patriotike: "Eja mblidhuni këtu, këtu!", një mesazh i vetëm arriti të depërtojë qartë: Shqipëria nuk është në shitje!

Si alarm për të gjithë.

Për qeverinë, opozitën, establishmentin, arrogancën, interesat, mungesën e vazhdueshme të transparencës, etj, etj.

Kjo u duk në reagimin e kryeministrit, i cili së bashku me njerëzit rreth tij u gjendën të befasuar nga një masivitet dhe një reagim kaq i madh qytetar e në rrjete sociale. Kryeministri mori përsipër të sqarojë vetë se nuk do dëmtohet natyra, biodiversiteti, etj...

E bëri përpara grupit parlamentar, e bëri edhe më Berat; do ta bëjë edhe në ditët në vijim.

Kryeministri foli për zhvillimin, por askush nga protestuesit besoj se është kundër zhvillimit dhe investimeve.

Numri i madh i protestuesve tregoi se, pavarësisht propagandës, indiferencës së kultivuar dhe përpjekjeve për ta paraqitur çdo kundërshtim si ekstremizëm apo nostalgji, duket se ekziston ende një pjesë e shoqërisë që nuk është dorëzuar.

Një pjesë që nuk e sheh vendin si një hartë parcelash për investitorë të privilegjuar, si një vijë bregdetare për t'u privatizuar apo si një territor ku ligji ndryshon sipas interesit të më të fortit.

Në fakt, kur qytetarët dalin për të mbrojtur një pyll, një lagunë, një copë bregdet apo të drejtën e pronës, në të vërtetë nuk po mbrojnë vetëm natyrën. Po mbrojnë idenë se vendi u përket qytetarëve dhe jo klientëve të pushtetit të sotëm apo të dikurshëm.

E bukura është se kjo protestë u organizua nga shoqëria civile. Sepse, po të kishte qenë një protestë e opozitës me këto përmasa, me këtë pjesëmarrje dhe me këtë zemërim, televizioneve do t'u ishte kërkuar të numëronin ditët e fundit të qeverisë. Analistët do të flisnin për krizë politike. Ndërkombëtarët do të pyeteshin për stabilitetin e vendit.

Por kur protestojnë qytetarët pa flamuj partie, pa autobusë të paguar dhe pa listë deputetësh në podium, pushteti përpiqet ta minimizojë ngjarjen, ndërsa opozita shpesh nuk di çfarë të bëjë me të, ndërsa mediat do të përpiqen të mos dështojnë më në misionin e tyre dhe ta paraqesin siç duhet.

Megjithatë, fakti mbetet: mijëra njerëz dolën në rrugë jo për një karrige, jo për një post dhe jo për një rotacion pushteti. Dolën për një ide më të thjeshtë dhe më të madhe njëkohësisht: për bindjen e tyre se Shqipëria nuk është mall, as aksion në bursë dhe as pronë private e askujt.

Dhe ky është ndoshta mesazhi më i rrezikshëm për opozitën që nuk është alternativë dhe për çdo pushtet që është mendon ta trajtojë vendin si plaçkë për t'u ndarë mes miqsh.  





Lajmet e fundit nga