web counter
LEXO PA REKLAMA!

SHKARKO APP

App Store
Google Play

Një tjetër fëmijë u vra!/ Të zëmë mend nga tragjeditë!

25 Maj 2026, 11:33, Opinione Mentor Kikia

Një tjetër fëmijë u vra!/ Të zëmë mend nga

U shënua viktima e radhës, fatkeqsisht është një fëmijë vetëm 7 vjeç. Ndodhi në rrugën Elbasan-Librazhd, fshati Mengël. Sapo lë qytetin e Elbasanit. Eshtë një zonë shumë e rrezikshme. Rruga kalon përmes fshatit. Trafiku është i rënduar. Në të dy anët e saj ka shtëpi, dyqane, tenda që shesin fruta e perime, shporta e qypa.. ka kafene, restorante...

Pas aksidentit, mediat intervistojnë dëshmitarët: Ishte shpejt shoferi, po po, shpejt… e kishte parë njëri, që tha ishte me shpejtësi maksimale?

Sa është shpejtësia maksimale?

Kush e mati?

Shoferi kishte thënë: Jam në rrugë nacionale, jam në rrugën time. Por nuk isha shpejt…

A janë fajtorë vetëm drejtuesit e automjeteve në raste aksidentesh?

Aq më shumë kur viktima është një fëmijë!

Padyshim që ata kanë përgjegjësinë kryesore, por në këtë zonë, faji më i madh është i qeverisë. Nuk zgjidhet situata vetëm duke ulur normën e shpejtësisë në rrugë. Edhe me 20 km/h të jesh, po të doli njeriu përpara e vret.

Këmbësorët nuk duhet të kalojnë përmes makinave për të dalë në anën tjetër të rrugës. Duhej të ishin ndërtuar të paktën dy mbikalime aty.

Kanë ndodhur shumë aksidente aty, por pas çdo viktime ne jemi mjaftuar vetëm me fjalët: Plehrat, maskarenjtë, kriminelët, kështu është kur nuk ka shtet, etj etj.

Rrugët e reja çajnë fshatrat mes përmes dhe banorët detyrohen të vënë bast me jetën për të kaluar në anën tjetër.

Të zëmë mend nga tragjeditë!/ CNA





10:30 Opinione Ardi Stefa

Skllevërit e lumtur

Skllavëria më e rrezikshme nuk është ajo me zinxhirë që ki...

Lajmet e fundit nga