E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Kiko analizon simbolikën e 28 korrikut….

27 Korrik 2022, 13:33, Opinione CNA

Lajmi se qeveria do të nxjerrë njerëzit në sheh më 28 korrik i futi të dridhurat majmunit Kiko. Mos vallë do t’i nxjerrë pasardhësit tanë kundër kafshëve në përgjithësi dhe ne majmunëve në veçanti?! Sot lexova që numri i lopëve në Shqipëri qenka përgjysmuar. Ky është zoocid. Por gjithsesi ka ende shpresë. Në shumë pozita kyçe këtë vend e drejtojnë gomerët dhe nuk besoj se protesta do të jetë kundër nesh. Po kundër kujt të jetë kjo prostetë alla shqiptare në kulmin e vapës afrikane? Pse qeveria po nxjerr njerëzit në shesh?

Për të kuptuar se çfarë mund të ndodhë më 28 korrik, Kiko mendoi t’i drejtohej kalendarit historik. “Vetëm duke kuptuar të shkuarën, do të jemi të qartë për të ardhmen”, tha Kiko, duke kruar kokën ndërkohë që u zhyt në ngjarjet e mëdha historike që kanë ndodhur më 28 korrik..

28 korrik 1758, Maksimilian Robespierit iu pre koka në gijotinë nga revolucionarët francezë. “Çfarë ka bërë ky Robespieri?! Mos ka qenë doganier në portin e Durrësit dhe ka vjedhur aty arka me banane?. Nëse është kështu, dënimi është mëse i merituar. Atëherë protesta ka kuptim… mund të jetë kujtesë për të gjithë ata që abuzojnë me postin publik?”

28 korrik 1868, Amendamenti i 14 i Kushtetutës së SHBA. “çdo shteti të SHBA i ndalohet t’i heqë secilit jetën, lirinë dhe pronën pa një proces të drejtë ligjor. “Hmm. Sa mirë u ka shkuar mendja, sidomos, te mbrojtja e pronës. Mos vallë ky amandament është lobim i investitorëve strategjikë. Këta e kanë shqetësim të veçantë shenjtërimin e pronës private”...

27 korrik 1914 Austro Hungari i shpalli luftë Serbisë. “uaaa?! Mos vallë protesta nesër bëhet në kuadër të Ballkanit të Hapur? A do të thotë kjo se tani Shqipëria, Serbia dhe Maqedonia do t’i shpallin luftë Austro- Hungarisë? A është protesta një thirrje për mobilizim për luftë reale dhe digjitale?!

28 korrik 2017, Gjykata e Lartë e Pakistanit i ndaloi përjetësisht kryeministrit Navaz Sharif të ushtronte detyrën për shkak të akteve korruptive. “Ky Sharif mos është personi i incineratorëve dhe e ka dënuar SPAK-u? Mos festohet ndëshkimi i atyre që në vend që me incineratorët në vend që të djegin plehrat, djegin paratë e popullit?

28 korrik 1954, ka lindur Hugo Chavez. “ Po ky? Ky më duket se është shpallur non grata nga ShBA dhe Anglia”. E kuptova njerëzit do të dalin kundër “non gratës”! Ehh “non -gratat për burra janë”

28 korrik, dita ndërkombëtare e mbrojtes së natyrës. “Kjo qenka, ç’qenka, të dalin për natyrën thua në sheshin Skënderbej, në sheshin ku betoni po lartësohet nga mandati në mandat? Mos majmunët në shesh, më falni kushërinjtë tanë njerëzit, do të dalin për të kërkuar më shumë beton, më pak pemë dhe më pak gjelbrim?! Ky mendim i shtiu të dridhërat, por duke shfletuar kalendarin historik, nga frika kaloi në revoltë.

29 korrik, dita ndërkombëtare e tigrave. “Po pse nuk ka një ditë ndërkombëtare edhe për ne majmunët. Ndër gjithë kafshët ne jemi më të ngjashmit me njerëzit?!

Kiko mbylli kalendarin historik, por pas konsultimit me historinë ishte edhe më i paqartë. E kroi kokën më gjatë se çdo herë tjetër, por sërish pyetja që i vërtitej në mend nuk mori përgjigje:

pse qeveria nxjerr njerëzit në shesh për të protestuar?

Mos vallë 28 korriku do të shpallet dita ndërkombëtare e majmunëve?/CNA.al