E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Mitingu i 28 korrikut, si “adrenalinë” për të ringjallur një të “vdekur”!

27 Korrik 2022, 11:22, Opinione Tritan Shehu

Mitingu i 28 korrikut, si “adrenalinë” për të

Nesër mitingu i 28 korrikut, si “adrenaline” për të ringjallur një të “vdekur”!

Dhe këtu gabojnë rëndë autorët, servilet…i vdekuri nuk ngjallet, varroset.

Gabim tipik ky për të gjitha autokracitë, diktaturat, edhe i Ramës.

Kështu veproi Çaushesku me 21 dhjetor 1989 në Bukuresht!

Kështu mendoi Alia me mitingun e 13 korrik 1990 në Tiranë!

Shumë të tillë kanë menduar e vepruar kështu, por përfundimi i tyre i paracaktuar nga historia nuk ndryshoi dot.

Këto regjime arkaike e të vdekura gjithsesi dolën nga skena e historisë duke u kujtuar më tej vetëm për të keq.

Ata lloj shëmtirash-mitingje prej të cilave ne shqiptarët kemi parë shumë, nuk i shpëtuan dot.

Të tilla aktivitete “ falënderimi”, “mirënjohje” “adhurimi” “besnikërie” ndaj liderit supreme e “sukseseve” të tij, janë karakteristikë vetëm e regjimeve.

Primitivizma të njerëzve primitive këto, që kërkojnë të kënaqin “epshet” e autokratit a diktatorit, t’i “injektojnë” atij gjumë të qetë, ndërsa populli nuk fle.

Mitingjet, manifestimet si rregull në demokraci organizohen nga opozitat, grupe shoqërore, sindikatat, për të protestuar, sjellë në vëmendje problemet e njerëzve.

Në qoftë se Rama do të kamuflojë këtë ”teatralitet me pjesëmarje të detyruar” me aspiratën europiane të shqiptarëve, gabon e spekulon rëndë.

Shqiptarët e kanë treguar me të tjera qëndrime e veprime gjatë historisë sonë mijëra vjeçare që jemi një popull thellësisht pro perëndimor, europeist.

Është Rama ai që ka demostruar të kundërtën me anti europeizmin e tij, në çdo akt politik, duke e vendosur Shqipërinë përsëri në një “udhëkryq historik”.

Dhe ky pozicionim i tij nuk mund të makiazhohet a korregjohet dhe jo më të ndryshojë, me atë “mitingun” tipik autokratik Lindor.

Ky regjim tashmë nuk mund të ringjallet…ai është realisht i vdekur.

Ai duhet thjesht vendosur në analet e “errëta” të historisë sonë si një keqe për të mos u përsëritur./CNA.al