web counter
LEXO PA REKLAMA!

SHKARKO APP

App Store
Google Play

E fundit!

x

Çfarë mund të negociojë SPAK me qeverinë?

23 Mars 2026, 17:53, Opinione CNA

Çfarë mund të negociojë SPAK me qeverinë?

Drejtimi i SPAK nga Altin Dumani i dha një ritëm të madh luftës ndaj korrupsionit në vend.

Edhe pse kryeministri Edi Rama shpesh ka qenë i ashpër ndaj prokurorëve dhe SPAK-ut si institucion, në finale tha se një njeri kurajoz i dha institucionit një tjetër dinjitet dhe e çoi atë në institucionet më të rëndësishme që kanë vlerësimin maksimal në hapat e rrugës së Shqipërisë në Europë dhe mbështeten pa ndalim nga partnerët ndërkombëtarë si SHBA dhe BE, por dhe vendet e tjera aleatë të Shqipërisë.

I vetmi shqetësim që Altin Dumani pati gjatë kohës që ishte drejtues i SPAK, në daljet e tij theksoi që prokurorët e këtij institucioni tê kenë të drejtë te rikandidojnë, kërkesë qe gjë që nuk dëgjua nga politika.

Nga ato moment, dikush e quajti të gabuar veprimin e Dumanit, nuk kishte pse ta shpaloste, dikush tjetër kërkonte që SPAK-u të ishte dhe më i ashpër.

Në fakt, thelbi është nëse duhet të negociojë SPAK-u me qeverinë? Në fakt, një mendje e kthjellët do thoshte jo dhe jo, kurrë, për asnjë arsye.

Por nuk ka pse të mos ketë komunikim zyrtar për problematika apo çështje të ndryshme dypalëshe.

SPAK nuk ka pse negocion me politikën me asnjë palë. Në betejë me korrupsionin, në luftë me krimin, hap pas hapi do të krijojë forcën e tij dhe respektin e dinjitetin.

Dhe politika, e cila po negociove të ha me gjithë kocka, nuk ka ku të shkojë, do të jetë e detyruar që t'i japë një mbështetje SPAK-ut, qoftë edhe për mundësinë e rikandidimit, apo mbështetjen e nevojshme që ka nevojë kjo Strukturë e Posaçme e cila në fakt është i vetmi institucion që tashmë mund ta quajë veten brenda Bashkimit Europian.

Është i vetmi institucion që ka kaluar këtë fazë, ndërkohë që shumë institucione të tjera, përfshirë ato politike dhe të drejtësisë, kanë ngelur ende në klasë.

Ndaj dhe SPAK-u duhet të bëjë një gjë: në asnjë rast mos të negociojë me qeverinë.

Të luftojë dhe të godasë sa majtas dhe djathtas duke vazhduar rrugën për në Europë që vjen nga lufta ndaj korrupsionit sepse, e kundërta, negociatat me politikën dhe pushtetin thjesht dhe vetëm do ta shkërmoqnin si institucion. /CNA





Lajmet e fundit nga