web counter
LEXO PA REKLAMA!

SHKARKO APP

App Store
Google Play

E fundit!

x

Raporti i SPAK-ut/ Dumani: Prokurorët dhe gjyqtarët kanë qenë objekt kërcënimi nga krimi i organizuar

14 Prill 2025, 12:13, Politikë CNA

Raporti i SPAK-ut/ Dumani: Prokurorët dhe gjyqtarët kanë

Kreu i SPAK-ut, Altin Dumani, në raportimin vjetor që bëri sot në KLP, deklaroi se ka pasur raste kur prokurorët dhe gjyqtarët kanë qenë objekt kërcënimi nga krimi i organizuar.

Në fjalën e tij para anëtarëve të KLP-së, Dumani tha se veç tyre, ka pasur edhe raste kur familjarët e tyre kanë qenë të ekspozuar, sidomos në çështjet që kanë pasur ndjeshmëri në publik.

Dumani tha se ka pasur bashkëpunim dhe angazhim me organet policore, për të shtuar mbrojtjen dhe sigurojnë në këto raste të hasura gjatë punës së SPAK-ut.  

“Në kryerjen e punës dhe marrjen e vendimeve tona, i vetmi institucion që na ka ndihmuar është KLP-ja. Ka pasur bashkëpunim shumë të mirë dhe angazhim të Policisë së Shtetit.

Prokurorët ose gjyqtarët kanë qenë objekt kërcënimi nga krimi i organizuar.

Edhe KLP me anëtarët e saj ka qenë i angazhuar maksimalisht ndaj këtyre rasteve.

Sidomos me ndryshimet e vitit 2023, punonjësve u është siguruar një mbrojtje.

Janë marrë masat e duhura ndaj punonjësve, por edhe familjarëve. Edhe familjarët kanë qenë në disa raste të ekspozuar.  

Ka raste që kanë ndjeshmëri.

Janë përfshirë në hetim më shumë hetues me qëllim krijimin e një grupi kompakt në përballimin e çdo presioni. Kjo bëhet për menaxhimin sa më të mirë të çështjeve”,-tha Dumani./CNA





Lajmet e fundit nga