web counter
LEXO PA REKLAMA!

SHKARKO APP

App Store
Google Play

E fundit!

x

Takimi i PD-së në Itali/ LaCivita: Kriza e Shqipërisë vjen nga Rama dhe socialistët

13 Prill 2025, 17:49, Politikë CNA

Takimi i PD-së në Itali/ LaCivita: Kriza e Shqipërisë vjen

Këshilltari i fushatës në Partinë Demokratike, Chris LaCivita ishte pjesë e takimit të zhvilluar sot në Brescia të Italisë. Në këtë takim morën pjesë figura të njohur të PD-së, emigrantë të shumtë dhe kreu i demokratëve, Sali Berisha.

Në fjalën e tij, LaCivita theksoi se Shqipëria është duke u përballur me një krizë të vërtetë.

Sipas tij, kjo vjen sepse nuk ofrohet asgjë në 12 vitet e fundit. LaCivita tha se fajtorë të kësaj situate janë kryeministri Edi Rama dhe socialistët.

LaCivita shtoi se mënyra e vetme që kjo krizë të tejkalohet është duke marrë vota nga diaspora, që sipas tij tani kanë në dorë të ndryshojnë të ardhmen e Shqipërisë.

“Shqipëria është duke u përballur me një krizë të vërtetë. Ka humbur më të mirin më të mençurin. Dhe mundësi që nuk i ofron sot.

Nuk i ofron sepse 12 vitet e fundit Rama dhe socialistët e kanë bërë në këtë mënyrë.

Mënyra e vetme që ndryshon atë është që ju të shkoni dhe të votoni. Shqipëria ka një mundësi për të ndryshuar.

Çdo votë ka vlerë e sidomos e atyre që janë jashtë. Vendosin të ardhmen për veten dhe familjen. Tani kanë në dorë të ndryshojnë të ardhmen e Shqipërisë.

Në 2024, Donald Trump fitoi sepse mori votat e votuesve nga jashtë. Edhe ju, duke votuar për doktor Berishën mund ta bëni Shqipërinë të madhe përsëri”,-tha LaCivita./CNA





Lajmet e fundit nga