web counter
LEXO PA REKLAMA!

SHKARKO APP

App Store
Google Play

E fundit!

x

“Zgjedhje historike se voton edhe diaspora”/ Rama nga Milano: T’i japim një mundësi anëtarësimit në BE

13 Prill 2025, 15:50, Politikë CNA

“Zgjedhje historike se voton edhe diaspora”/ Rama nga Milano:

Kryeministri dhe njëkohësht kreu i socialistëve, Edi Rama ndodhet sot në Milano të Italisë. Në këtë udhëtim në shtetin fqinj, Rama është pjesë e një takimi me shqiptarët që jetojnë qytetin italian.

Në fjalën e tij, Rama tha se zgjedhjet e 11 majit janë historike sepse për herë të parë do të votojnë edhe shqiptarët jashtë vendit.

Rama u shpreh se ky nuk do të jetë thjesht një votim politik për partinë që do të qeverisë në 4 vite, por edhe përtej partive, pasi votohet për Shqipërinë.

Rama tha se kjo është edhe një mundësi që 4 vitet e ardhshme, Shqipëria të mund të bëhet anëtare e familjes së bashkuar europiane.

“Jam mirënjohës që sot jeni këtu, në një mikpritje të jashtëzakonshme. Dhe ju jam mirënjohës për këtë mikpritje.

Është hera e parë në historinë tonë të zgjedhjeve që edhe ju, edhe gjithë shqiptarët e tjerë jashtë kudo jetojnë do të zgjedhin, pa pasur nevojë të vijnë në Shqipëri.

Më vjen mirë që edhe këtë zotim e bëmë realitet

Tani çdo shqiptar që do të shprehet për vendin e vet, ka mundësi pa lëvizur nga vendbanimi i vet.

Ishte e thënë që në të parat zgjedhje ku ata marrin pjesë, fati ynë të na sillte në një zgjedhje që është si një përballje përfundimtare me historinë tonë.

Me një votë t’ia ndryshojmë rrjedhën historisë. Votë për të ëndryshuar kahun e historisë.

Që ta investojmë votën për atë që duam të arrijmë së bashku.

Një votim politik për partinë që do të qeverisë në 4 vite dhe përtej partive, për Shqipërinë që në 4 vite ne mund ta bëjmë zonjë anëtare të familjes së bashkuar europiane”,-tha Rama./CNA





Lajmet e fundit nga