web counter
LEXO PA REKLAMA!

SHKARKO APP

App Store
Google Play

E fundit!

x

“Rama ka tentuar të vrasë pluralizmin politik”/ Xhaferri: Ka miqësi me Vuçiç dhe McGonigal

12 Prill 2025, 16:11, Politikë CNA

“Rama ka tentuar të vrasë pluralizmin politik”/ Xhaferri:

Kryetari FRPD-së, Besart Xhaferri ka reaguar sot Në një postim në rrjetet sociale, Xhaferri ka renditur 12 persona, politikanë ose të lidhur me politikën, të cilët sipas tij janë miq ndërkombëtarë të Edi Ramës.

Xhaferri  shprehet se Edi Rama në 12 vite në pushtet ka bërë tentativa për të vrarë pluralizmin politik në vend.

Xhaferri tha se Ramën në këtë mision e kanë ndihmuar dhe miqtë e tij ndërkombëtarë, disa prej atyre armiq të egër të faktorit shqiptar.

Xhaferri rendit disa prej këtyre personave, ku përmend: Aleksandër Vuçiç, George Soros,  Antony Blinken, Charles McGonigal, Yuri Kim, Florian Coldea, Fabrizio Lisi, Stefano Boeri, Muhamet Alabar, Ron Yeffet dhe Vittorio Sgarbi.

“Ndonëse premton Evropën,  Edi Rama në 12 vite në pushtet ka ndjekur çdo politikë dhe ka përdorur çdo mjet, që nga kriminalizimi i ekonomisë deri te tentativa për të vrarë pluralizmin, për të na larguar  nga Evropa dhe në këtë mision e kanë ndihmuar dhe miqtë e tij ndërkombëtarë, disa prej atyre armiq të egër të faktorit shqiptar.

1-Aleksandër Vuçiç, ish Ministri i Propagandës së Millosheviçit, që bënte thirrje që për çdo serb të vrarë të vriteshin 100 myslimanë në Bosnjë  dhe që kërkonte që Srebrenica të përsëritej në Kosovë, është miku personal i Edi Ramës dhe armiku  më i egër i shqiptarëve në rajon. Kur Vuçiç ishte shpërfillur nga BE, Edi Rama me “Open Ballkan” e ktheu në faktor politik në rajon  dhe si shpërblim Vuçiç nisi thikat pas shpine ndaj Kosovës, duke kulmuar me sulmin terrorist në Banjskë.

2-George Soros ideatori i Jugosllavisë së re tutori i Edi Ramës, e ka kthyer Shqipërinë një oaz për eksperimentet e tij dhe agjendat e errëta, që nga prindi 1 dhe  prindi 2 deri tek nënat surrogato dhe pengmarrja e drejtësisë dhe ekonomisë që nxitën mjerim dhe eksod

3-Antony Blinken i shpallur “Non Grata” në zyrat e DASH nga administrata Trump u kthye në mashë  të dyshes Rama Soros për asgjësimin e pluralizmit në Shqipëri.

4-Charls McGonigal ish numri dy i FBI në Neë York, u pagua me taksat e shqiptarëve të varfër për të jetësuar projektin e Edi Ramës për të lënë Shqipërinë pa opozitë.

5-Yuri Kim, diplomatja që me babëzinë e saj  tipike majtiste minoi si asnjë tjetër raportet Shqipëri- SHBA, teksa nga jahtet e investitorëve strategjikë ftonte shqiptarët të hanin bar nëse ishin kundër autokracisë së Ramës.

6- Florian Coldea ushtarak rumun, ish këshilltar i Edi Ramës,  akuzohet në vendin e tij për lidhje me krimin e organizuar, që nisin nga Meksika, në Durrës e Bukuresht, lidhje në të cilat përfshihet dhe klani famëkeq Sinaloa.

7- Fabrizio Lisi, ish numri dy i Interpol Roma, kur kontrollonte nga ajri sipërfaqet e drogës në Shqipëri si zyrtar i Guardia di Finanza manipulonte shifrat, duke pohuar se në Shqipëri kishte luftë ndaj kanabisit, por në të vërtetë kanabisi po përgjakte shqiptarët.

8- Stefano Boeri, arkitekti i Edi Ramës që e ka ndihmuar në projektin Tirana 2030 që ka në fokus kryesor pastrimin e parave të drogës në kullat për të cilat firmos Edi Rama, është nën hetim në Itali për abuzime me tenderat dhe është nën arrest shtëpie, teksa në Shqipëri deri tani e kanë amnistuar.

9- Flavio Tosi ish kryetari i bashkisë së Veronës, i përfshirë në listën e personave të hetuar në operacionin Antimafia koduar "Isola Scaligera",  është ndër miqtë e Edi Ramës dhe Lali Erit, që u ka asistuar me eksperiencën e tij për aferën e inceneratorëve.

10- Investimet strategjike janë kthyer në një sipërmarrje private të Edi Ramës dhe i vetmi investitor strategjik i huaj është Muhamet Alabar, i cili po ndërton në Durrës, teksa më gjasë do jetë një prestanome se paratë që po investohen në atë projekt janë paratë që Edi Rama u ka vjedhur shqiptarëve.

11-Ron Yeffet është një biznesmen i huaj, mik personal i Edi Ramës që sipas Arben Ahmetajt donte të blinte borxhin publik të Shqipërisë, ç’ka do të thoshte që falimenti i Shtetit Shqiptar të ishte në mëshirë të tij.

12- Në radhën e miqve nuk mungojnë as qesharakët si  Vittorio Sgarbi që Edi Ramën na e paraqet në Itali si një lider global, ashtu siç me injorancën e tij prek kulturologu e cilësonte Bylysin një qytet grek”,-shkruan Xhaferri në rrjetet sociale./CNA





Lajmet e fundit nga