web counter
LEXO PA REKLAMA!

SHKARKO APP

App Store
Google Play

Socialistët çelin fushatën/ Manastirliu: 30 ditë për të vulosur anëtarësimin në BE

12 Prill 2025, 13:32, Politikë CNA

Socialistët çelin fushatën/ Manastirliu: 30 ditë për

Në sheshin “Skënderbej” po zhvillohet tubimi për hapjen e fushatës zgjedhore të Partisë Socialiste. Për Qarkun e Tiranës, fillimisht kënduan këngëtarët Eranda Libohova dhe Tiri Gjoci.

Më pas mbajtën fjalën e tyre dy drejtueset politike, ministrja e Arsimit, Ogerta Manastirliu, dhe kryeparlamentarja Elisa Spiropali.

 

Në fjalën e saj, ministrja Manastirliu tha se këto 30 ditë janë vendimtare për të vendosur anëtarësimin e Shqipërisë në BE. Manastirliu tha se ndryshimi i sjellë nga PS-ja ndihet në çdo cep. Më tej Manastirliu bëri dhe njëherë thirrje për të votuar PS-në.

 

“Sheshi i fitoreve të mëdha. Këto 30 ditë janë vendimtare për të vulosur një zgjedhje që ka nisur prej kohësh, Shqipëria të bëhet anëtare e BE-së. Në çdo cep të Tiranës ndihet ndryshimi. 30 ditë për një zgjedhje, 30 ditë për numrin 5”, tha Manastirliu.

 

Elisa Spiropali tha se fitorja e madhe e PS-së fillon nga Tirana.

 

“Nga Tirana do të fillojë fitorja e madhe e PS-së. Betejat nuk fitohen në sprintin e fundit. Fitohen në maratonë. Në këto 3 mandate kjo skuadër ka treguar që janë maratonomakë politikë. Ky është mision historik, të bëjmë realitet ëndrrën e pararardhësve, amanetin ta bëjmë realitet dhe për ata që nuk mundën. Shqipëria do të fitojë më 11 maj me nr. 5 dhe Edi Ramën”, tha Spiropali./ CNA





Lajmet e fundit nga