web counter
LEXO PA REKLAMA!

SHKARKO APP

App Store
Google Play

E fundit!

x

PS çel fushatën/ Balluku: Objektivi në Fier është 10 mandate, s’na ndal asgjë

12 Prill 2025, 12:39, Politikë CNA

PS çel fushatën/ Balluku: Objektivi në Fier është 10

Qarku i dytë në radhë në çeljen e fushatës zgjedhore të Partisë Socialiste ishte ai i Fierit. Fillimisht u këndua një këngë nga grupi Free MC dhe më pas mbajti fjalën e saj drejtuesja e qarkut, njëkohësisht zëvendëskryeministrja Belinda Balluku.

Gjatë fjalës së saj Balluku tha se anëtarët e grupit muzikor votojnë për herë të parë dhe kanë zgjedhur të votojnë për PS-në.

Në fjalën e saj, zëvendëskryeministrja bëri me dije se objektivi i PS-së në Fier është 10 mandate, por do të punohet edhe për më shumë.

Balluku u shpreh se ky mandat i katërt që PS kërkon është mandati për të mbyllur marrëveshjen me shqiptarët për t’i anëtarësuar në Bashkimin Europian. Fjalën e saj, zëvendëskryeministrja e mbylli duke thënë se me Ramën në krye nuk i ndal asgjë.

 

“Nuk kanë votuar deri më sot deri në ditën kur e vendosën. Free MC voton për PS-në ashtu siç do të votojë e gjithë Shqipëria dhe çdo shqiptar. Nuk ka më bukur kur krijojmë këtë energji që shkon në themelet e Shqipërisë për t’i forcuar ato dhe për ta çuar këtë vend përpara. Mandati i katërt ndoshta duket shumë për ata që hedhin baltë mbi ne, por është mandati për të përmbushur një marrëveshje që Rama ka nënshkruar me popullin shqiptar në 2014. Ta çojmë popullin shqiptar në BE, është koha t’i bashkohen asaj tryeze. Qarku i Fierit ka një objektiv, 10 mandate deputetësh. Por ama ne punojmë për më shumë. Siç tha dhe shoku Gramoz, priten 11 mandate nga ne. Me Edi Ramën në krye nuk ka asgjë që na ndal”, tha Balluku./ CNA





Lajmet e fundit nga