web counter
LEXO PA REKLAMA!

SHKARKO APP

App Store
Google Play

“Krenar që PS-ja mbështetet nga gratë dhe vajzat”/ Rama: Prej tyre varet përpjekja për Shqipërinë në BE

11 Prill 2025, 18:27, Politikë CNA

“Krenar që PS-ja mbështetet nga gratë dhe vajzat”/

Sot në Tiranë u mbajt takimi “Vajzat dhe Gratë Socialiste për Shqipërinë 2030”, vetëm pak para nisjes së fushtës për zgjedhjet e 11 majit. I pranishëm ishte edhe kryeministri Edi Rama.

Rama e nis fjalën e tij me një shaka për vonesën e krijuar gjatë takimit  të lidhjes virtuale me rrethet.

“Ishte orvatja e fundit e syrit të keq”,-tha Rama.

Në fjalën e tij, Rama tha se është krenar që PS-ja mbështetet nga gratë dhe vajzat. Rama ndau edhe disa të dhëna të shprehura në përqindje, ku mbizotëronte mbështetja nga gratë.

Rama tha se suksesi i përpjekjes për Shqipërinë e vitit 2030 në BE varet nga nënat, motrat, bijat e Shqipërisë.

“Sot jemi mbledhur njëkohëshisht në 12 qarqet ku po zhvillohen garat për të nisur zyrtarisht fushtën e 11 majit. Kjo mbledhje ishte e vetmja mënyrë për të lidhur forcat e forumit të gruas. Mbledhja bëhet për të përcjellë një mesazh të drejtpërdrejtë, që Shqipëria është grua, Europa është grua dhe suksesi i përpjekjes për Shqipërinë e vitit 2030 në BE varet nga nënat, motrat, bijat e Shqipërisë.

Më bën krenar që PS-ja mbështetet nga gratë dhe vajzat. PS-në e mbështin 56% e zgjedhësve gra e vajza. Mbështetja në rrethe të caktuara shkon 65%. Mbështetja është më e ulët për burrat. Po ama mbështetjen kuptimplotë të pjesës më të ndjeshme e më sakrifikuese, që janë gratë dhe vajzat, nuk do ta ndërroja kurrë me mbështetjen e pjesës tjetër”,-tha Rama./CNA





Lajmet e fundit nga