web counter
LEXO PA REKLAMA!

SHKARKO APP

App Store
Google Play

E fundit!

x

PD çel sot fushatën/ Zbulohen detaje

11 Prill 2025, 08:59, Politikë CNA

PD çel sot fushatën/ Zbulohen detaje

PD-Aleanca për Shqipërinë Madhështore do të çelë sot fushatën elektorale për zgjedhjet e 11 majit. Ceremonia e hapjes së fushatës do të zhvillohet në sheshin "Nënë Tereza" në orën 19:00.

Ndërkohë detaje të tjera janë zbuluar në atë që pritet të ndodhë sot. Në këtë ceremoni do të mbajë fjalën kreu i PD-së, Sali Berisha, si dhe udhëheqësi i fushatës, Chris LaCivita.  

Mbledhja për ceremoninë pritet të nisë në orën 18:00 ku gjatë mbërritjes së qytetarëve që do t'i bashkohen kësaj ceremonie, do të ketë shfaqje të stendave që do të emërtohen si ‘Korridori i kujtesës’ dhe është përgatitur nga departamenti i ‘Brain Gain’ në PD.

Në orën 19:00 do të nisë prezantimi i kandidatëve të opozitës për zgjedhjet e 11 majit. Gjithçka është e organizuar si një ‘town hall’ i stilit amerikan të fushatave.

Pas prezantimit të kandidatëve, në podium do të ngjiten folës të ndryshëm, nga politika dhe qytetarë të ndryshëm të cilët do të tregojnë historitë e tyre.

"Fushata mbetet surprizë, s’mund të jepen detaje se është surprizë. Çifti dashurohet muaj apo vite, por e ka një ditë që ndryshon dhe paraqitet krejt ndryshe dhe të gjithë pavarësisht se i kanë parë mijëra herë, vrapojnë t’i shohin atë ditë si çift, me kostumin e nusërisë. Ndaj, të gjitha surprizat janë sot", deklaroi Berisha në një nga daljet e tij publike./ CNA





Lajmet e fundit nga