web counter
LEXO PA REKLAMA!

SHKARKO APP

App Store
Google Play

“Proda nuk zbatoi urdhrin e SPAK”/ Këlliçi: Duhet të kontrollonte tregun e Suel Çelës

10 Prill 2025, 16:27, Politikë CNA

“Proda nuk zbatoi urdhrin e SPAK”/ Këlliçi: Duhet

Drejtuesi politik i PD-së për Tiranën Belind Këlliçi në një deklaratë për mediat ka bërë me dije se sot Policia e Ilir Prodës nuk ka zbatuar detyrën si institucion i shtetit, por ka zbatuar urdhrin e kreut të narko-qeverisë, Edi Rama.

Këlliçi deklaroi se, Proda ka refuzuar të zbatojë një urdhër të SPAK për të kontrolluar tregun e Elbasanit, bazën e aktiviteteve të paligjshme të bandës kryesore të Ramës dhe PS në rajon, grupit të Suel Çelës.

Partia Demokratike u bën thirrje aleatëve ndërkombëtarë të reagojnë për këtë faqe të errët ne librin e zi të rekordeve të Ramës dhe qeverisë së tij.

“Sot policia e Prodës nuk ka zbatuar detyrën si institucion i shtetit, por urdhrin e kreut të narko-qeverisë, Edi Rama.

Narko-drejtori ka refuzuar të zbatojë një urdhër të Prokurorisë së Posaçme për të kontrolluar tregun e Elbasanit, bazën e aktiviteteve të paligjshme të bandës kryesore të Ramës dhe PS në rajon, grupit të Suel Çelës.

Ky është një veprim jo vetëm në kundërshtim me ligjin, por edhe dëshmi e dorëzimit të shtetit në duart e krimit të organizuar.

Rama e shtyn dhe e frymëzon SPAK kur ka nevojë, dhe i vihet kundra, e poshtëron kur i prek interesat.

Ky është standardi i tij me drejtësinë dhe Europën.

Më shumë se kaq, kjo është përpjekje e hapur e Edi Ramës, që me anë të bandave të kontrollojë e vjedhë dhe këto zgjedhje.

I alarmuar nga qëndrimi i Këshillit të Europës dhe Parlamentit Europian në takimet me liderin e opozitës Sali Berisha, Edi Rama po ruan të paprekur infrastrukturën kriminale të grabitjes së zgjedhjeve.

Partia Demokratike u bën thirrje aleatëve ndërkombëtarë të reagojnë për këtë faqe të errët ne librin e zi të rekordeve të Ramës dhe qeverisë së tij.

Rama, që ka banditët në krah, ka popullin kundër.

Më 11 maj, të kthejmë shtetin në anë të qytetarit dhe të së drejtës dhe Ramën ta hedhim në koshin e plehrave të historisë!”, ka deklaruar Këlliçi./ CNA





Lajmet e fundit nga