web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj falënderon Meron dhe Carlo-n

10 Prill 2025, 14:32, Politikë CNA

Erion Veliaj falënderon Meron dhe Carlo-n

Kryebashkiaku Erion Veliaj ka bërë një postim në rrjetet sociale ku në mënyrë jo të drejtpërdrejtë ka falënderuar Mero Bazen dhe Carlo Bollino-n, dy miqtë e tij dhe bashkëpunëtorët që i publikonin shkrimet, intervistat dhe bënin skenarët. Kryesisht Mero, i cili del qartë dhe si këshilltar në përgjimet e Erion Veliajt në burg.

Kryebashkiaku nuk i ka rezistuar dot miqësisë dhe mbështetjes së madhe të dhënë nga Mero dhe Carlo Bollino dhe u ka bërë një status publik ku nuk i përmend me emra, por ai falënderon të gjithë ata që e mbështesin.

Indirekt ndoshta ka dhe një kritikë për Lori Hoxhën dhe "Top Channel" që dje e hodhi në kosh të plehrave duke i publikuar vendimet e gjykatës, megjithëse Erioni kishte kërkuar mbështetje të fortë. Tashmë që Apeli doli dhe Erioni u la në burg, kuptohet, e morën e hodhën si një mbeturinë.

Erion Veliaj shkruan:

Të dashur miq,

Sot mbushen 2 muaj nga burgimi im pa gjyq - larg familjes, gruas, djalit të vogël dhe nënës. Por, edhe larg punës në bashki e fushatës, dy pasioneve të jetës sime.

Doja vetëm t’ju falënderoja për mirësinë e mbështetjen ndaj Kait dhe Ajolës, si dhe dy nënave tona - 3 gra pa burrat e tyre, por me kurajë e dinjitet falë jush që u jeni gjendur pranë!

Jam ende pa akuzë prej një anonimi që nuk ekziston. S’ka dalë askush që të kem korruptuar. Ende askush që të më ketë korruptuar. Kush më njeh e di që në çdo ditë të punës sime kam ndihmuar këdo, kudo e kurdo me ndershmëri.

Ndaj, meqë më janë ndaluar opinionet mbi këtë proces grotesk, atyre që i janë gjendur familjes sime, u them nga zemra “Faleminderit”!

Nuk do t’ua harroj kurrë! Bekime dhe mall për ju të gjithë./ CNA





Lajmet e fundit nga