web counter
LEXO PA REKLAMA!

SHKARKO APP

App Store
Google Play

E fundit!

x

Rama, takim me punonjësit e bizneseve private: Në mandatin e katërt, rroga mesatare 1000 euro

9 Prill 2025, 19:26, Politikë CNA

Rama, takim me punonjësit e bizneseve private: Në mandatin e

Kryeministri Edi Rama ka zhvilluar një takim me punonjës të bizneseve për të diskutuar mbi strategjinë e politikat e punësimit dhe aftësimit të forcës së punës me qëllim ndërtimin e një tregu pune më të fortë, të qëndrueshëm e gjithëpërfshirës me në qendër arsimin dhe formimin profesional

Rama premtoi se, brenda mandatit të katërt, rrogat mesatare për sektorin privat do të shkojnë deri në 1000 euro.

“Nga ana tjetër do të rrisim pagën minimale në 500 euro në janar të 2026-ës, duke vendosur që ta shpallim këtë gjë menjëherë në muajin qershor.

Por dua ta them shumë qartë që përjashtohen një kategori e veçantë, që është gjithmonë e më e vogël në numër.

Paga minimale është më e lartë në Shqipëri de facto. Këtu në këtë territor për shembull, nuk ka pagë minimale 500 euro.

Ndërkohë që duam që të ecim më tutje më pagën mesatare dhe ta çojmë pagën mesatare nga 830 brenda mandatit të katërt, në 1000 euro në sektorin privat.

Ndërkohë, që sot kemi nevojë të shohim edhe me shumë më tepër optimizëm rritjen e pagave në sektorin publik.

Janë rritur, do të rriten dhe më shumë dhe kjo na ka dhënë një fakt në dorë, që duke rritur pagat në sektorin publik kemi tërhequr me vete dhe sektorin privat në këtë proces, por ajo që është më e rëndësishmja dhe që e tha Olta, është kapërcimi nga një epokë kur krahu i lirë i punës quhej avantazh konkurrues në një epokë tjetër, ku tanimë pagat dinjitoze nuk diskutohen më.

Dhe faktikisht kompanitë sot më shumë sesa problemin sa të paguajnë punëtorët, kanë problemin ku i gjejnë punëtorët e kualifikuar.

Një tjetër shenjë pozitive është duke u bërë gjithmonë e më e prekshme, edhe këtu tek dera që dolëm ka një numër djemsh dhe vajzash të kthyer rishtas nga Gjermania.

Madje një pjesë e tyre, na tha zonja, ishin në punë, ikën, thanë ta provojnë një herë, e provuan dhe u kthyen”, tha Rama./ CNA





Lajmet e fundit nga