web counter
LEXO PA REKLAMA!

SHKARKO APP

App Store
Google Play

E fundit!

x

Muçollari: Rama ka dështuar me shëndetin dhe ushqimin

8 Prill 2025, 22:53, Politikë CNA

Muçollari: Rama ka dështuar me shëndetin dhe ushqimin

Kandidati për deputet i Partisë Demokratike, Grigels Muçollari, ka theksuar se PD është një forcë politike që ka arritur të rikthehet pas furtunave dhe të ripërtërihet për të ofruar një alternativë të fuqishme për qytetarët shqiptarë.

I ftuar në emisionin A Shoë Muçollari kritikoi qeverinë për mosveprimin në këtë fushë dhe për mungesën e një politike të qartë për problemet e ushqimit dhe bujqësisë.

“Të jem i sinqertë, se çfarë e bën PD-në sot një forcë të madhe. Është forcë e cila mes furtunave, ka ditur të rigjejë veten, të ridimensionohet. Kujtojmë që PD u largua me një revolucion të armatosur në 97-ën dhe erdhi në 2005-ën me votë. Më pas ndoqi një kurs reformash. E çfarë ndodhi këtu e katër vjet përpara. Shumë pak veta e besonin që PD do ekzistonte. PD aktualisht nuk diskutohet çështja e ekzistencës si forca më e madhe politike në opozitë. Sepse kjo diskutohej 4 vjet. Ajo që diskutohet sot që unë kam bindjen që do të jetë një çështje që do t’i japë marrëzi më 11 Maj, është: A do të jetë PD, partia e cila do të hyjë në qeveri? Dhe do të hyjë në një kurs reformash dhe në një reformim sistemi që po dështon?

Në këtë aspekt mendoj që kjo etapë ka kaluar. Jo vetëm ka kaluar, por ka gjetur forcë për të konkretizuar në një ofertë shumë të mirë që ka në thelb qytetarin. Dhe jo vetëm në thelb qytetarin, por po të shikosh me vëmendje programin e PD, ka bojën e qytetarit, ka fytyrën e tij, ka nevojat e tij që ne sot po i ndjejmë. Nëse nga krahu tjetër flasim për një parti që i flet publikut me sloganin, me një tog fjalësh që nuk flet asgjë, me një pasaportë evropiane, nuk do të thotë asgjë.

Ne shkojmë në përmbajtje. Kemi folur me qytetarët, kemi komunikuar me qytetarët. Sepse politika çfarë është. Ka dy dimensione në aspektin tim.

Ushqimet këtu kishin një problematikë shumë të madhe. Duke filluar nga problemi i pesticideve, deri tek shitja e produkteve me çmime stratosferike por që janë të dëmshëm për shëndetin. Rrezikojnë shumë sëmundje që lidhen me alergjitë, që lidhen me autizmin. Dhe çështja është që politika nuk i ka kushtuar në asnjë moment vëmendje kësaj çështje. Një vëmendje që lidhet drejtëpërdrejtë me çfarë po ushqehemi dhe me çfarë po rriten sot fëmijët shqiptarë. Por përtej saj, se mirë që kemi një problem të brendshëm. Ky është një problem që po reflektohet edhe tek fermeri.

Ka mijëra e mijëra ton të kthyera mbrapsht dhe ata në padijeni që aty janë përdorur pesticide të palejuara në BE”, tha Muçollari./CNA





Lajmet e fundit nga