web counter
LEXO PA REKLAMA!

SHKARKO APP

App Store
Google Play

E fundit!

x

“Hetim të menjëhershëm të rastit”/ Pano denoncon asfaltin elektoral te “Siri Kodra”

8 Prill 2025, 08:39, Politikë CNA

“Hetim të menjëhershëm të rastit”/ Pano denoncon

Kandidati për deputet i PD, Jonatan Pano ka denoncuar një rast të asfaltit elektoral në rrugën “Siri Kodra”.

Në një postim në rrjetet sociale, Pano kërkon hetim të menjëhershëm nga KQZ, KAS si dhe të ndërpriten punimet në kundërshtim me ligjin.

“Sipas raportimeve nga qytetarët, në rrugën Siri Kodra, Njësia Administrative nr. 8, Bashkia Tiranë, u konstatuan punonjës të bashkisë duke kryer punime asfalti në prag të zgjedhjeve të datës 11 maj 2025. Kjo përbën një shkelje të qartë të Kodit Zgjedhor, i cili ndalon përdorimin e burimeve publike, nisjen e projekteve të reja apo promovimin e investimeve gjatë periudhës zgjedhore, me qëllim ndikimin e vullnetit të zgjedhësve (njohur ndryshe si “asfalt elektoral”).

Kërkoj nga Komisioni Qendror i Zgjedhjeve, Komisioni i Ankimimeve dhe Sanksioneve (KAS) dhe organet e tjera kompetente:

 • Hetim të menjëhershëm të rastit;

 • Marrjen e masave ligjore dhe administrative ndaj përgjegjësve;

 • Ndërprerjen e punimeve në kundërshtim me ligjin;

 • Transparencë publike mbi këtë çështje.

Ngjarja është e dokumentuar me prova vizive (foto/video), të cilat mund të vihen në dispozicion sipas kërkesës. Në respekt të integritetit të procesit zgjedhor, kërkoj veprim të shpejtë dhe të paanshëm”, shkruan Pano./ CNA





Lajmet e fundit nga