E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Sulmi ndaj prokurorëve dhe SPAK-ut/ Juristja: Nuk kishte ndodhur kurrë më parë ai presion

7 Prill 2025, 22:35, Politikë CNA

Juristja Brizida Gjikondi ka folur për sulmin ndaj prokurorëve dhe SPAK-ut pas arrestimit të kryebashkiakut Erion Veliaj.

Në një intervistë për CNA, juristja u shpreh se nuk e kishte ndjerë asnjëherë atë lloj trishtimi kur lexonte pafund editoriale e analiza që nuk ishin nën hirin e gazetarisë shqiptare, s’kishte ndodhur kurrë ai presion, ai amplifikim i së keqes duke mos lënë drejtësinë dhe kohën të flasë, një presion që u shkarkua te shqiptarët.

Juristja është shprehur se çfarë po ndodh tani mendoj se është skaneri më i mirë i asaj që po ndodhte atëherë.

“Unë mendoj që ka media që kanë influencë dhe kanë marrëdhënie me pushtetin. Në Shqipëri as me gishtat e njërës dorë nuk numërohen mediat që janë të pavarura, ose gazetarë të pavarur, për të mos thënë që shumë pak ata që nuk janë të pistë nga ky sistem i kalbur dhe korruptiv që ka kapur të gjithë segmentet e shoqërisë dhe jo vetëm një media të caktuar. Politika është përpjekur që të shpërndajë infeksionin e saj sidomos tek mediat e veta që ti përdorë për t’i çuar shqiptarët drejt një gjykimi apo arsyetimi të gabuar që t’i përdor si “mish për top” e t’ju mbush mendjen se kjo që po më ndodh mua është e gabuar.

Kur ka ndodhur sulmi ndaj SPAK-ut, ndaj prokurorëve të SPAK, nuk e kisha ndjerë asnjëherë atë lloj trishtimi kur lexoja pafund editoriale e analiza që nuk ishin nën hirin e gazetarisë shqiptare, s’kishte ndodhur kurrë ai presion, ai amplifikim i së keqes duke mos lënë drejtësinë dhe kohën të flasë, një presion që u shkarkua te shqiptarët. Çfarë po ndodh tani mendoj se është skaneri më i mirë i asaj që po ndodhte atëherë. Koha vërtetoi arsyet. Njerëzit e sëmurë që nuk arrijnë të kenë interesin kombëtar dhe atë publik mbi interesin personal u errësohet gjykimi dhe arrijnë të bëjnë opinione të tilla që dëmtojnë një komb të tërë”, tha Gjikondi./ CNA