web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e zbardhura nga CNA për Veliajn në Strasburg

7 Prill 2025, 19:13, Politikë CNA

Përgjimet e zbardhura nga CNA për Veliajn në Strasburg

Prej 5 ditësh, CNA ka publikuar përgjimet nga burgu i Durrësit ndaj kryebashkiakut të arrestuar tashmë për tre akuza të rënda, Erion Veliaj.

CNA publikoi në datën 4 Prill, përgjimet se si Erion Veliaj nga burgu urdhëronte bashkëshorten e tij Ajola Xoxën të shmangte Konsullatën Amerikane në Tiranë, që të mos i përgjigjej kërkesës së institucionit për tu paraqitur.

Në përgjimet e siguruara nga CNA, Veliaj i thotë bashkëshortes së tij Ajola Xoxës se kur të vijë Aleksi gjërat do të rregullohen.

Aleksi nuk e ka mbiemrin në tekst, por me sa dyshohet nga kuptimi i bisedës mund të jetë Alex Soros, miku i Erion Veliajt, kryebashkiakut të Tiranës, të cilin ai e shpall shpesh vëlla e mik të tij të ngushtë.

Ky përgjim i zbardhur nga CNA është përmendur sot në Strasburg në Asamblenë Parlamentare të Këshillit të Europës, nga kreu i PD-së Sali Berisha.

Berisha për të ilustruar faktin që sipas tij Shqipëria është një republikë e George Soros ka përmendur dhe përgjimin e zbardhur nga CNA.

"Sa për Sorosin, siç ju thashë më parë: nëse më pyesni çfarë është Shqipëria sot, Shqipëria është një republikë e George Soros. Po.

Për ta ilustruar, zoti President, kryetari i Bashkisë së Tiranës është arrestuar për korrupsion. Para disa ditësh, disa javësh, i dha një udhëzim gruas së tij: ‘Mos shko në Ambasadën Amerikane, pushteti ka ndryshuar atje, prit derisa të vijë Alex dhe gjërat do të ndryshojnë.’ Ishte fjala për Alex Sorosin. Askush nuk ka reaguar, sepse pas kësaj beteje, Departamenti i Shtetit, nën drejtimin e Anthony Blinken, bëri gjithçka për të më izoluar dhe për të kontrolluar çdo kontakt timin, me partinë time. Kjo është e vërtetë. Prandaj njerëzit nuk ishin shumë të prirur të merren me këto çështje.

Po, ju mund të na ndihmoni shumë. Mund të na ndihmoni. Së pari, dërgoni një mision verifikimi, sepse do të dëgjoni gjëra të pabesueshme. Dhe kur të prekni realitetin atje, atëherë mund të gjeni një mënyrë për të ndihmuar kombin tim, për të ndihmuar vendin tim të çlirohet nga kjo narkodiktaturë. Ne do të luftojmë dhe do të vazhdojmë të luftojmë, por na duhet edhe ndihma e njerëzve të lirë, kudo që janë. Dhe nga qeveritë europiane dhe miqtë tanë kudo”, tha Berisha./ CNA





Lajmet e fundit nga